سجل دخولك للمنتدى ببيت شعر اعجبك

[طيــف]

يارفيــق ٍ يحـدّ السـّــيف و يـسلـّـه = كـل ّ ما اقفـى رفيـقـه حـش ّ عـرقـوبـه
رفقـــــة ٍ مالها مذهــب ولا مـلـّـــه = يـاللــه الـعــفــو و الغـفــران و التـوبـه

[صالح الجطيلي]

مــــن لا يحطك تاج راسه وهو حي = عســاه لفــــــراش المنـــايا وســـاده

[بنت العبيّه]

اقـــــدر...اقـــول انــــي بـــدونــــك ولا شـــــي...

وشـــلون...ابقــــضي بـاقـــي العـــمر دونـــــك...




( بنت العبيه )

[صالح العرجان]

لــــو...فــــيه امـــــل مــــره تــجــيـــــــبه ويـــنقــــــــــــــاد...


واللــــــه...لا اقـــــول عـــنــدك لـــه هـــنـــاك شـــف لـــــــه...


بـــس...ادري انـــــه لاجــــمــــح مـــالــــــه ابــــعــــــــــــــاد...


صـــدري...وهــــو صـــــدري غـــصـــب ينـــفهـــق لــــــــــه...



بنت الريح (( العبيه )) ؟!

[دانة الرياض]

مــهــما نـطـق لـي بالمـشـاعـر لـسـانـك
شـي بـدون احـسـاس مـاأقـتـنـع فـيـــــه

[صالح العرجان]

صحيح ان الفراق اقسى ولكن الوصال محال
وانا صعب على ارضي غرورك واضعف قبالك

بعد ما حققت عيني فبعدك للرقاد امال
اعود للسهر! ياخوي فال الله ولا فالك

ببدل نظرتك فيني واجي لك كل يوم بحال
باكون اقرب من ثيابك عليك ولا اتهيالك

بالمك وانثرك واجمعك وارجع انثرك باهمال
باخونك وازعلك وارضيك وازعل منك وارضى لك

ابرسم بالثرى وجهك وابدفن صورتك برمال
ابشكي للعرب فرقاك واضحك عند عذالك

ابهديك الوصال فراق واهديك الفراق وصال
باسوي مثل ما اشوفك تسوي وافعل افعالك

عشان تعرف من فينا الزعول ومن وسيع البال
ابيك تذوق فنجالي وانا باذوق فنجالك

نصيحه واحتفظ فيها قصر معك الزمن او طال
ابي تسمع كلامي زين وتحطه على بالك

اذا حبك هبال اطفال لك عندي هبال اطفال
ولا وابشر بعد بهبال حب ماهو بهبالك

واذا قصدك تهين اسمي عشان تشمت العذال
ترى لا انت ولا غيرك ولا عشره من اشكالك!!

[صالح العرجان]

وهذي يا الربع لــ ؟!!


(( كنق الغلا )) !!



قـل للقلـوب اللـي تحـدك عـلـى اقـصـاك
انـك معي لو شـمـس الأحــلام غـابـت


وقــل لليـديـن اللي تبي لـمـس يـمـنـاك
ايديـك نـامـت فـي يـديـنـي وذابـــت


لايـحـترون فـراق قلبي وفـرقــاك
الـلــي هـقــا الـفـرقــا هـقـاويــه خـابـت


حطيـتـك بعيـنـي عـلــى شـــان مـنـسـاك
ونـاديــت لـضـلـوع الـغــلا وأستـجـابـت


شـف وش كثـر هيبـة محبـتـك لـرضـاك
مـن كـثـرهـا كـل الـعـواذيـل هابــت


حنا مشينا درب مـاحـولة اشـــواك
وحنا بيننا (حـب) والـســاس ثـابــت


ماننـتـهـي لـو تنـتـهـي كــل الافــلاك
ولـو روسـنـا مــن جــور الأيــام شـابـت


وشـلـون اعـيـش العـمـر لـحـظـه بـلـيـاك
والـشـوق كنه بين الأضـلاع نـابـت


يامشـفـي اجـروحــي بـشـوفـك ولـقـياك
ان رحت جات اجروح وان جيت طابت


"تـــعــال" جــــدد لـلـغــلا ثــــوب يــزهــاك
وعيـد الأمـل لـو شمـس الأحـلام غـابـت



.......


فارس الساير