"كـــــثر الغموض.. اللي سكني وضوحــــــــــــي"

[غموض الشمال]

لاصرت ماشعر في غلايه وانا حي=لامت ماينفع بكاك ونحيبك
تعال بدل ظلمة الليل بالضي=ابي احس اني غلاك وحبيبك
وان كان ماتبغى غلايه ياخي عي!!=جمالةٍ كمل بها اليوم طيبك

[غموض الشمال]

البارحه جوه من الضيق مخنوق=والقلب وسطه هم مجهول الاسباب
واليوم صبحه مظلمٍ مابه شروق=جانا خبر نور البلد اظلم وغاب
الموت حق وذايقه كل مخلوق=امر الولي تخضعه نفوس وارقاب
مرحوم ياسلطان من قلب محروق=قلبٍ على فرقاك ثكلٍ ومنصاب
ياعل قبرك روض وجنان وبروق=وفي جنة الفردوس تجمع بالاحباب

[غموض الشمال]

مدري علام الليل ولا علامي؟؟=لاقبل ظلامه ضاق صدري ومليت!
ياليتني ماشعر ولا اوح الكلامي=لاضاق لي صدرنٍ ولا الدمع هليت

[غموض الشمال]

ويلك من الله ليه تعشق عذابي=هو ليه من يغليك تهمل شعوره
لا باغين بعدي وتخشى اقترابي=اصبحت عندك مثل برواز صوره
لو زدت جرحك فوق جرحٍ سطابي=ماني على الفرقى وبعدك جسوره
والا انت مهو اللي عنى البعد هابي=كل يوم عن دربي اتقصر شبوره
ان كان قصدك ناويٍ بالذهابي=ترى الزمن قبلك سقانا احروره
باصبر على بعدك وداوي صوابي=والصبح عقب الليل يشرق حضوره

[غموض الشمال]

ضايقٍ صدرك وانا مثلك ابضيق=كف دمعٍ فوق خدك تهمره
دمعتي باسباب دمعك جت تويق=غطت الاوجان والليل اسهره
الزمن حملك في ما لا تطيق=والفرح جو الكأبه كدره
كلنا وياك في نفس الطريق=كل مانملك حبيبٍ نخسره
عايشين وداخل الخافق حريق=وكل حرمان الخلايق نشعره
انت محرومٍ من امك لك شهيق=وانا حرماني من الله قدره
لك باكون الام ولا ودي افيق=حلم ودي به من اسنين انطره
حط همك وسط قلبي لاتضيق=وانا عنك الهم والحزن اصهره

[غموض الشمال]

مال هذا العيد فرحه او طعم=ياثقل دمه على القلب الحزين
اتصنع والسعاده به عدم=وكل خلق الله بفرح معيدين
دام مات الحظ والحلم انهدم=ماتواسيني جموع مهنئين

[غموض الشمال]

يانوف وجه الحقيقه بان لي عاري=وبانت خفايا نفوسن تدْري خلفه
ياليت يانوف بسود قلوبهم داري=والنفس تقرا خفايا انفوس مغتلفه!
اليوم طاح القناع وشفت مقداري=ارواح متباغضه واجساد مئتلفه
خلاص عفته كرهت اسمه مع الطاري=وعاداه قلبن عصاني كان من حلفه
هذي النهايه بعد ماكنت له شاري=هديته لي نهار العيد مختلفه؟؟