سجل دخولك للمنتدى ببيت شعر اعجبك

[صالح العرجان]

لولاي أداري شيمتي والمشاريـه
وأشوم عن بعض الهروج الخفافي

لوّيت هرجي مثـل نـاسٍ تلوّيـه
وغنيت كل اللي طرى لي بقافـي

ماكل قافٍ يستـوي لـي بأغنيـه
عيبٍ على الرجال بعض القوافـي

[صالح العرجان]

من شاور الثنتين (( ضاااااااااااااااع ))؟!


يالله يافاتـح علـى الضيقـات بيبـان الـفـرج
ياراعي الباس الشديـد وراعـي المـد السخـي

لا ضاقت بعيني ظهر لي مـن وهايبْـك مْخَـرَج
انت اعتمادي حـزة الشـده وعونـي وصْرِخـي

وليا حدتنا شـدة البلـوى وصرنـا فـي حـرج
نثنـي ركبنـا عنـد بابـك نستغيـث وننتخـي

دامك سندنا ما نهم اللـي دخـل واللـي خـرج
ماهمنـا ينشـد حبـل الضـيـق ولاّيرتـخـي

ولا نهم اللي هرج والساكـت اللـي مـا هـرج
ياروسنا..... دلي طريق (( العز بالله )) واشمخي

[صالح العرجان]

جنِّب عن الرديان وانـص المطاليـق
والنفـس يممهـا منـازل صْنَفـهـا

روس الرجال اللي تصـون المواثيـق
اللـي ملازيـم الشهـامـة ولَفـهـا

مثل الجبـال الراسيـات الشواهيـق
اللي تزبِّـن مـن لجـا فـي كنفهـا

لا يخدعك حـس الرعـد والبواريـق
ولا يعجبـك غـادي سحـابٍ تقفهـى

واصبر على الدنيـا عساهـا توافيـق
وان بارت الدنيـا علـى الله خلفهـا

[صالح العرجان]

الشامخ اللي شموخه ما كشـف حزنـه
مواقفـه حـزة العُـسـره تمالكـهـا

في الشر له وزنه... وفي الخير له وزنه
يزخـر بنفـسٍ وسيعـات مداركـهـا

ويموت سـرّه ورا الاضـلاع مِخْتزْنـه
كثـرت عليـه الصواديـف وتداركهـا

انا اشهد إنّـا درينـا ويـش بالخزنـه
حتـى ولـو كبـرت قفـولٍ تصككهـا

يظهر صدوق السحـاب وينتثـر مزنـه ؟!
مثـل الحقايـق تكـذِب مـن يشككهـا

والفُلك تمشي علـى الامـواج متّزنـه
وان هبت اعتى العواصف مـا تحركهـا

[صالح العرجان]

البارحه بين السهـر والهواجيـس
نفسي غريبه وانشـد البـال عنهـا

انشد وادور واتمـروا الاحاسيـس
لعلنـي القـا ولـو شـي منـهـا

حاولـت اغيرهـا بكـل المقاييـس
وتشكي علي من جور وقت غبنهـا

لو انني مـا ارخصتهـا للمفاليـس
وازرت تطاوعني وتعـرف زمنهـا

نصحتها بالصبر وبعـد المراميـس
وتصفح عن اللي بالزمان امتحنهـا

اتلهـا واسايـر العصـر واقـيـس
وإتلنـي تـل العسيـف برسنـهـا

قلت اذكري الله واستعيذي من ابليس
قالت خفوقـك علـم اللـي طعنهـا

كلمـه ولـو دورتهـا بالقواميـس
حصلتها فـي شامهـا مـع يمنهـا

النفـس ارض والمعـزه تضاريـس
والارض لولاهـا وش اقـول كنهـا

وطويق لو هبت عليـه النسانيـس
يبقـا لهـا سيـد ويامـر وينـهـا

[صالح العرجان]

لا واهنـي اللـي بنومـه تهنـا
ماهو بمثلي البارحه مـا تهنيـت

صكت علي الافكـار منـا ومنـا
وياما معا هاجوسي اقبلت واقفيت

والليل طـرف والنجـوم ادبحنـا
وجتني بيوت الشعر بيت ورا بيت

والصدر ضايق والزمـان امتحنـا
وياما كتمت بداخل الصدر واخفيت

اخفي هموم في ضلوعـي لجنـا
لجـت وقزتنـي ومنهـا تقزيـت

ولو التمانـي تنفـع اللـي تمنـا
فاد التمني كل مـن قـال ياليـت

[صالح العرجان]

والله مــا اشــوف اضـيَـق عـلــى راعـــي الـطـيـب
مـــــن مــجــلــس الـــلـــي يـبـتـنـيــه ويــخــونــه

الـــلــــي ورى بـيــبــانــه الـــشــــك والــــريــــب
واهــــل الــــردى مــثــل الـسـلَــق فــــي ركــونــه

حـتــى ايــــش لــــو راعــيــه لـحـيــه واشـانـيــب
" جـــزمـــه " ورى بـــابـــه وثـنـتــيــن دونــــــه