سجل دخولك للمنتدى ببيت شعر اعجبك

[سعد النفج]

ياصبح وينك .. ووينك ياسنا شمسي = كني بحلم ٍ.. وفجاه قمت مرتاعه
يقول احبك وغيرك يـــا ( ..... ) المنسي = واصدّقه .. واندفع له .. واعلن الطاعه
واجيه كلي .. على الحب .. يصبح ويمسي = اسقيه حب ٍ .. ونفسي منه ملتاعه
وادري كثير المراسي .. اللي بها يرسي = واقول عندي يوقف يطوي شراعه
معقول ينسى ليالي طيبي وهمسي...؟! = معقول كل الاماني تموت في ساعه...؟!
حسبي على اللي جرح فيني طهر نفسي = مشاعره زايفه .. بالحيل خدّاعـه

الجارحه

[سعد النفج]

قال الذي حده زمانه على الضيق = ويلاه من دنيا غشاني خطرها
تأخذني الدنيا على غير ماطيق = وضيم الليال السود حالي دمرها
حلــّـق بي الحرمان والهم تحليق = الى أرتفع نجمي يطيح أبحرها
مدري تعاسة حظ 00 والا توافيق = والا عيوني خان فيها نظرها
عندي تساوى الوقت مافيه تفريق = وأيام عمري قام يسقط ثمرها
طــّوقني الحرمان بالخوف تطويق = حتى الهقاوي مابدت لي صوّرها
تسابقن مثل الرماح المزاريق = وياويل حالي كان هـذا قــدرها
كثر التــوّجد يحرق القلب تحــّريق = غبنه على من زاد عينه سهرها
( لا ياوجودي وجد بنت المطاليق = لاشقت ثياب الحيا من قهرها )
ولا ياوجودي وجد من جاه تحقيق = بيدين عــدوانٍ تزايد سطرها
وجد اليتيم اللي جفوة المخاليق = يكايد العبرات 00 وحالة دمرها
لا الوقت وقتي والزمن يبّس الريق = واللي عرف بالسالفه ماسترها
همً بقلبي فوق هم المشافيق = أحرق خفوقي والمشاعر بثرها
وقلبي وعزمه ماتجيه المطافيق = ويصعب على العشاق جيّبت خبرها
يحداني الهوجاس غرباً وتشريق = وأشملت لفجوج الشمال آعبرّها
مريتها حافي قدم دون تعويق = حتى حداني بردها عن سمرها
ماجيت أدوّر للحقايق مواثيق = ولاجيت أعــّري زيفها وأحتقرها
جيت بشموخ الطيبين المطاليق = اللي مطاليق اللحى تعتبرها
شمس الحقيقة كنها النور توثيق = اليا أشرقت غاب الظلام بسفرها
ماهمني من لفق الكذب تلفيق = تبطي أعلومه ماتـبّـين ثمرها
والشجرة اللي موقعه قمة طويق = لاضاق وقته جالها ويخبرها
لو أحسبوني من حساب العشاشيق = عمر الموده ماشكت من أسرها
مايجتمع قلبين بين المخاليق = الا وحديهن روحه اللي سحرها
أنا هنايه مايجي بالتشافيق = قصة غريبه ماتكــّـذب خبرها
وقعت فيها غصب من دون تبريق = وأضفت علـّي أترابها في حفرها
أن صحت مابه صوت وأزريت لاويق = ومن شاف له صوره تعيسه ذكرها

.

شعر / منصور الرويلي

[سعد النفج]

كنت أصدّق فيه حب ومحبين=وأقول ويش الحب..؟ يا ناس ويشه..؟
حتى لمحني موت كل المزايين=بالناظر اللي طحت برماح جيشه
قلبي وروحي في غرامه مجانين = والله ذبحني حسن خلقه وطيشه
لو كان بيدي لجعل العمر نصفين =أعطيه نصف .. ونصف وياه أعيشه
ما للسعادة في غيابه عناوين= كل الليالي في غيابه وحيشه
ما عيش دونه بهجة القلب والعين=عيشه بدونه صدق ماهيب عيشه
والحين أصدّق فيه حب ومحبين= وألوم من هو يسأل الحب ويشه

--------------------------------------------------------------------------------

[حمد الخمعلي]

ياهل تبوك الورد ضاق الصدر ضاق=وضاقت علي الأرض وسط الحدودي
مانام ليلي وسهره حتى الإشرلق=كني ولد مسلم بدار اليهودي
أخاف من ليلن به العمر ينعاق=في ديرت الكفار ونا سعودي
بسباب غرون مسكنه وسط الأعماق=اللي غلاه بوسط قلبي يزودي
صغير سنه بس للقلب سراق=ياهو على قلبي يطيب ويجودي
أغليت لجله ناس شينه ولا طاق=وغليت لجله من سكن بالورودي

[صالح العرجان]

يعاتبني يقول وينك ما سمعت صوتك البارح وينك ؟!


وانا اقول له (( جد الغلا )) ؟!




لبيه يـا صـوتٍ ينـادي عليّـه
ولبى خفوقٍ زاد نبضـه عشانـي

لبيـه قالتهـا الجـوارح سويّـه
منها يفز القلب وطاعـه لسانـي

أهـلا هلابـك والمشاعـر نديّـه
أرحب بلهفة شوق هـزت كيانـي

عانقت صوتك والأمانـي خفيّـه
بين الرجاء واليأس وحلم الثواني

أشعلت ليلي يـوم طريّـت جيّـه
ومن القصايد جبت عذب المعانـي

دلة غـلاك تفـوح والنـار حيّـه
وصبيت فنجالك من أقصى المحاني

يومك قلطت اليوم عنـدي هديّـه
ما مثلها قدمـت لانسـان ثانـي

قدمت لـك قلـبٍ تشيلـه ايديّـه
فيه الوفاء والصدق طول الزماني

ياللي شبيه البدر مـدري سميّـه
عطيتنـي كلـك وربـي عطانـي

لبيه أرددهـا مسـاء وضحويّـه
ولبيه يـا حـظٍ لدربـك خذانـي

[شمــــــــوخ]

..×..
:

:
ضد ( الوفا ) .... ماهو × خيانه × على طــول ..!!
طالع .. تـرى ممكن يجــــــي ... ( قل حيلهـ ) ..!
:



:
..×..



[/QUOTE][/QUOTE]

[صالح العرجان]

يشاورني المجمول يقول ما اجي على قلب مزحوم ؟!


فكان هذا ردي له ؟!!


الفواد اللـي علـى الخفـرات ذابحـه التغلـي
كان حوله سور وانت اللي ضرب عالي شباحه


كـان فيـه ابـواب ماتفتـح ولايمكـن تدلـي
لين حتى جيـت يالمزيـون واعلنـت افتتاحـه