سجل دخولك للمنتدى ببيت شعر اعجبك

[صالح العرجان]

ما تذكر اللى عن همومـك يضمـك
وأهداك نبض الشوق دبله وسلسال

تدرى فـوادٍ كـان شوقـه يلمـك
أهديتلـه خنجـرك والغـدر قتـال

وشلـون طبعـك للمفـارق يزمـك
تبغي الصراحه ما بقي شي ينقـال

لو كان إبه قطرة حيا وسـط دمـك
ما كان تنشد وأنت غايـب ورحـال

تقول كيف الحـال وشهـو يهمـك
وشهو يهمك لاأجل تنشد عن الحال

مـدام جنـيٍ الـمـوادع يخـمـك
إما تركتـك جنـب مانيـب رجـال

[صالح العرجان]

لو كان طيفك فى وصالي حبيّب
ما كانت الغيبه عذاب وتدينـك

بالله قلي ليـه بـس متهيّـب
وصلك شحيح ولا تبين حنينـك

الشوق لاتخفيه ماهـو يعيّـب
يا جعل تبطي بالسعادة سنينـك

[صالح العرجان]

ياللى وداعك فيه للحـزن مضمـون
ما قلت لى وشلـون بنسـى عذابـك

عطرك وبسماتـك بطيفـي يمـرون
وأعيـش جـو الذكريـات برحابـك

[صالح العرجان]

أشتقت أضمك لاجل أعلمك وشلـون
جرح المشاعر نازفـه فـى غيابـك

وكيف الزمن من دون غيبتك مجنون
وكيف الفواد يجيبنـى عنـد بابـك

هذا الفراق المـر ملعـون ملعـون
لانه خذاك وعـن عيونـى غدابـك

[صالح العرجان]

أغليك لبـا صـوت غالـى لمغليـه
إسمع لقلبى لاجـل نبضـه يعلمـك

من فمك لاسمى طعم ثانـى يالبيـه
إليا سمعت إسمى كما الشهد من فمك

صوتـك يغرقنـى بداخـل موانيـه
شوف إرتعاش الشوق من يوم أكلمك

[صالح العرجان]

هالصدر ضامى كيـف قلـى تخليـه
وثغرك مطر وانا ضحيـت تبسمـك

جيتك حبيبى جمـر شـوقٍ يطفيـه
إليا أنحضن من معصمك لين معصمك

[صالح العرجان]

العطر صدرك لانتشـى فيـه تحييـه
كنه يقول بكبرياء يوووووه مأطعمك

الزين سلـم قـوس مجـده لباريـه
فيك أنت ياحاكمه من قبـل يرسمـك