من نبض فيه الوفا ما نبض فيـه الغـدر
بالشكوك المظلمة هالبشـر وش قومهـا
عينك اللي ناظرت فوق لا تنظـر حـدر
لاجل تفرق صالح الفكر مـن مسمومهـا
كان تجهل وين كرسّيك بعـرش الصـدر
عيب نفسك عقب عـذري تـردد لومهـا
العذر يجلب كـدر والتجاهـل بـه كـدر
يانفوس(ن) تلبس الشك لبـس هدومهـا
ولا انا واثق ولا اسمع حكي وجه(ن) ودر
والنشاما لامّـش لـك تصـون سلومهـا
البخيت اللي ليا من نـوى الصـده قـدر
مـا تـرده للمشاعـر زفيـر همومهـا
وانت جنسك يعلـم الله مـا قّـل ونـدر
وانت تفتـح للقصايـد جديـد علومهـا
بس هذي حسنتك حيـن تفكيـرك خـدر
سيرتك حـدت بنـات الفكـر لعزومهـا
لو بشوف اللي نزفته لمرضاتـك هـدر
قلت انا بيـض النوايـا مطـوّل نومهـا
كل ماحاولت بأزرع بقربـك لـيّ سـدر
ابتلشت بشكـة(ن)ا نابـت(ن) زقومهـا
وانت لو مـا تّحرفـك شكتـك للمنحـدر
ماتشوف صيامك اليـوم مفطـر ثومهـا
وانت محروم(ن) بقالب غني(ن) مقتـدر
الله يعينـك مـع النـاس يامحرومـهـا
ولا انا مسامحك لـو بـدر مهمـا بـدر
عّل نفسك لا صحـت ينعـدل مفهومهـا