سجل دخولك للمنتدى ببيت شعر اعجبك

[شمــــــــوخ]

تسلمين مشـــــــــاعر *_^ كلتس ذووق ...

^^^
^^^


ماعاد اعاتب بالخطا واتشـرّه
ولاعادت الغيره تبيّن جنونـي


مات الونين اللي بصدري مقرّه
واظنّ ماعاد الخفوق بحنونـي


^^^
^^^

[صالح العرجان]

يمكن تحس اني مـع البعـد ناسيـك
لكن تأكـد .. مـا نسيتـك ثوانـي


لا مر طيفك قمت اهوجس واحاكيك
واشكي لى طيفك كثر ماهو شكانـي


واتذكر اشيائـك .. واردد اغانيـك
وابكي اذا حسيـت حظـي رمانـي


واحمّل النسمـات طيـف ٍ يناجيـك
واطلق مع ذكرااااك صهوة عنانـي


واحسّ تتسأل عـن احـوال مغليـك
واجاوبك ..تذكر مكانـي! مكانـي!!


وتقول: لي وشفيك؟ واقول: وشفيك !
وشلون ما تبغـى بعدهـا اعااانـي!


وتقول: لي طيفـي تركتـه يداريـك
واقـول: طيفـك للمهالـك حدانـي

[بدر الحنيف]

،،





كــل مــا قــلــت : زال الـبــاس .. والـجــرح طــاب
أســتــدار الــزمــان .. وقــال : مــالــك طــبــيــب !!


\


بــيــن ســن.. الـمــشــيــب .. وبـيــن ســن .. الشـبـاب
شــاب راسـي .. وانــا مــا جــيــت .. ســّن الـمـشــيب .!


\


أشــهــد .. أن المـحــبــه .. رحــمـــة ٍ .. فــي عــذاب!!
زووووولـهــا .. زول ريــم .. قــلــبها .. قــلــب .. ذيــــب .!










،،

[صالح العرجان]

فديت الطلـه وجمـعٍ حوالينـك بـدا مغمـور
مااشوف لهم أثر لـو انهـم زافـات وولوفـي

فديت البسمـة اللماعـه اللـي تشبـه البلـور
فديت (المملكه) واسواقها والجسر و(الكوفـي)

[زهـرة الياسميـن]

:

:

يازمان العجايب وش بقا ماظهر
كل ماقلت هانت جد علمٍ جديد
ان حكينا ندمنا وان سكتنا قهر
بين قلبٍ عطيب وبين راس عنيد
لوتفيد المدامع كان اسيل نهر
مير كثر التوجد والدمع مايفيد
اصبر ايام واشهر واتصبر دهر
وان حصلى مناتي جيت لوني بعيد
ارجى الله واراقب كل طالع شهر
يجلى الهم عنى او عسى مايزيد

:

[صالح العرجان]

يارب لطفك عـون حالـي بغيتـه

دامه معي والله لاامشي ولا اهـاب


الله اكبـر كيـف دمعـي بكيتـه

والله اكبر كيف تشكيـه الاهـداب

[شمــــــــوخ]

::

::

النفس عندي على حدود السما ترقا
تتعـب يديـــــــن العـــواذل ماتولاهـا

اطرق حروف القوافي وابدع الطرقا
واشيــــل قافٍ تعـلا فـوق مرقاهـا

ياكبر فرق العرب عن بعضهم فرقا
احدٍ تعــــزك حروفـه يـوم تقراهـا

واحدٍ تعود على الهرجات والقرقـا
ماعَد نفسـه عزيـزه يـوم دنــــاهـا

الطيب بحرٍ نغوصه والســما زرقـا
ماهين انا خطوتي ماافَرح اعداهـا

ادري سرقت الكرى من عينهم سرقا
واشعلت نارٍ تنصــــت مـن تنصاهـا

العز في روقنا والزود فـي برقـا
ثوبٍ كساها واشوف الثوب يزهاها

الطيب ســاسٍ لنا عرقٍ ورى عرقـا
ربي يديـــــمـه علينـا ليـن نفناهـا

::

::