سجل دخولك للمنتدى ببيت شعر اعجبك

[محمد بن موسى]

آحيآن الانسان يضحك من سبب .. جرحه !
لاصار .. حظّه فقير .. وغص بَ ايامه ..

وآحيان .. بـ آتفه .. سبب يتصنع الفرحه
ويعيش .. دوره / بفرحه .. تقتل احلامه !

[هيـاا العـازمـي]

.
.
.

ما يذبح اللي يحب الآ بنآت الآصول
اللي لو أنهآ تبيك .. تقول لك مآ آبيك

ولا قلت ميتّ عليك من الضما جت تقول
يا تغير الحكي .. ولآ آعلم أمي عليك

[محمد بن موسى]

أبطيـت وكل المشـاعر عـنك ساترها
وإنـته تبخـتر وتاخـذني على هـونك

واليوم جتك المشاعـر هي وشاعـرها
متقاسمين الوجـل وشلـون يرضـونك

لاتمسـح الصـورة اللي عـنك خـابرها
واصبح ضحيه لسوء الفهم واطعونك

[صمت القلوب]

لا تحسب إن غصون قلبـي وريقـه..
خضار عرق ٍ ينقلـه و افـي ذراع

محتـاج لوعـود السحـاب الوثيقـه..
في غير وصلك بالهوى مالي أطماع

[محمد بن موسى]

الحب ماله وصف لا كمّ لا كيف
................................ لاطاح بيده قلب تعمى عيونه

لو تجمع اصناف القلوب المواليف
................................ وتحدهم للوصف مايوصفونه

وشلون يوصف شيّ والشي ماشيف
................................ حتى ولو عشنا هناه وغبـونه

رغم انه اوضح من شموس المشاريف
................................ باين على اللي معه و اللي بدونه

[صمت القلوب]

يعزفني البرد .. والأوتارمجروحه

موال ضامي لك .. وموال ضامي لي


وصمت الشفاه ..يضم جرحي مع روحه

وليل الشموخ .. يزف لحبك مراسيلي


لا مايملّ الورد ..يحاكي طموحه

ولالا تمل إحساس قلبي ومواويلي ..


ماهو طبيعي البرد ..مجنون بسفوحه

وماهو طبيعي الشوق لافاق تحليلي ..

[محمد بن موسى]

.
.
.

أحلامنا وينهـا يـا حضـرّة الساعـي .؟؟
طاحت ملامح حضـورك مـن ليالينـا .!!

لوّك تركت ( الرضى في عيوننا واعي ) .؟؟
أهوّن من إنّا ننـام ... ومـا تصحينـا .!!

مدّري هي أحلامنا إللي مالهـا داعـي .؟؟
ولاّ الحزن حالف إنـه مـا ( يخلينـا ) .!!