سجل دخولك للمنتدى ببيت شعر اعجبك

[صالح العرجان]

مرحبا باللي ركب راسه جنان !!

الناس خلق اجناس واشكالها اشكـال
ومن كثر أساميها يشيـب المسمّـي


بعض البني في صدرها قلـب رجـال
وبعض الرجال قلوبهـم وش تظمّـي


هذا وانـا لازلـت طرقـي ورحّـال
أزهم هبوب الشـوق وتهـبّ يمّـي


وأن حبّني عميّ علـى حبّـة الخـال
أضحك وأغنيّ بيـن خالـي وعمّـي

[سعود العواجي]

وأنا على ركب الطريق اللي يودي للشمال = كن الدروب اللي تودي للشمال دروبك
لأن صورة درب حبك في عيوني لا تزال = يعني ترى مهما ابتعدت الدرب يرجع صوبك
لبيه ياكل الغلا ياالترف ياعذب الخصال = ياللي ذبحني فيك رقة صوتك وأسلوبك
مافيه شي يعذربك إلا ليا طال الجدال = عنـّدت وعنادك لحاله ياالغلا عذروبك

[صالح العرجان]

اقنب قنيب الذيب واغمر غميره ؟!



قلبي اللـي لا يقـاد ولا يسـاق
ولا يرافق مـن يحـبّ يرافقـه

منعزل يخفق على نفس السيـاق
والمعنّـا مـا تهـنّـا خافـقـه

جلّ شانه .. خالق عروقه دقاق
ومع مجاريـه المحبّـه دافقـه

ولو يوقفّ بين لهفـه وإشتيـاق
قامت همـوم الليـال أتصافقـه

مير يا اللـي تنقضيـن الإتفـاق
وافقه من رفقتك .. مـا وافقـه

أفلحي يا بنت ما أحـبّ النفـاق
أنكشفتـي ف الغـرام أمنافقـه

راحت الفرقا مثل ضرب العراق
ما نبيها .. مير جـات أموافقـه


ياليل التواااااافيق ؟؟!!

[صالح العرجان]

سعود العواجي

يا جدي خوالك قلي وش اعلومك عساك بخير !


يوم انهمر لي حنانه باعذب لحونه
قلت الله الله صفا جوي على جوه

والله ل..احبه ولو حظي وقف دونه
مافيه قوه تصد الحب بالقوه

بس انتظر يازمن لين اعلن المونه
ومن بعدها اللي تسوي يازمن سوه

[صالح العرجان]

من اول شلتها لحالي سامريه لكن دام

رمز الشجاعه سعود العواجي هنيا مالي اللي اطرب خاطره خالي ؟!


جيت لك من جمر الشوق متحمي
كل ماتبرد طعوني ضمها


جيت لك واقصى معاليقي تومي
هم يخطيها وهم يخمتها


ان ضميت اشرب سواليفك بدمي
وان تثاقلت الدروب ازمتها


وان خذتك مني عين ماتسمي
العن الدنيا وابوها وامها

[صالح العرجان]

للبخت معي اليوم موعد بحضور يا ابو صالح .
/
/

ابي للناس اسولف بك واقول اللي يصير يصير
واحسك سالفه لو سولفوها شوهوا زينك

حشا لو تطري الفرقا مااعدك راعي التقصير
عزاي اني ملكت بوقتها عرش اجمل سنينك

يقولون الزمان اغبر وانا اقول الزمان بخير
ما دام اللي سكن في ناظرك ما طاح من عينك

[شمــــــــوخ]

::

::


تعرف اشمعنى إبادة .؟ بالاصح معنى إجتثاث .؟
كلّها تعريف واقع ينتهي بكلمة ../ أزيلة

دام قلبي في حياتك تكملة لطقم الاثاث
بحرمك منّة وجرّب في فراقي همّ ليلة

كان قلبي في يديك أزريت به دون إكتراث
جا يدوّر عن حنانك وانطعن بيديك غيله

لييييه جاي الحين تشكي .؟ إنتهى فصل الحراث
شف غصوني بعد صدّك وارفة جنّة ظليلة

والله انّي لو لقيتك ظامي يقتلك اللهاث
والله انّي ما سقيتك لو هو سدّي فاض سيلة

.
.
.
.
.
.

ما سمعت لكلمتي لك ( إتّقِ شرّ الإناث )
وما عرفت اش كنت أقصد من حكاية 1000 ليلة

.
.
.
.
.
.
.

قلتها لك مرّتين الحين جاتك بالثلاث
رجعتي لك مستحيلة / مستحيلة / مستحيلة

::

::