ركني الخاص (كلمات منتقاه)

[النايفة]

ماني ورا العاطفه بالحيل منجرفه
....................طبعي على صد ردات الفعل واااالم

الا خيانتك ما املك عندها صرفه
....................واحذر تحاتي ترى من خونتي سالم

مارضى اخونك ولا ارضى اعيش منحرفه
....................ماهو عشانك عشان النفس والعالم

درب الخيانات لو اموت ما اعرفه
....................لكن يا عمري تحاشى ثورة الحالم

[النايفة]

واذا ذكرت العشره بـ قلب مقهور
......................... تذكر اللي صار بينك وبيني
آخر كلامك قلت لي منت مجبور
......................... والحين أظنك منت مجبور فيني

[النايفة]

اللـي ّيصبّـرنـي إلـى شان حالـي
غير إني اجمع كل ذلّي و أصليّ
أربت على قلبي واطمّن خيالــي
قبل أنولد مكتوب وش بيحصل لي

[النايفة]

ليت ربي خلقني في زمان مضى ,,, يوم الأجواد تفرق بين ظفر وردي

يوم صوت العذارى لانتشر بالفضا ,,, الشرود يتعثر والشجاع يعدي

واتخير عشير للمدايح حظا ,,, لجل يطلع مطاليع الشجاع ولدي

[النايفة]

المشكله ما هي مسافه أو سفر...
المشكله بعد القلوب عن القلوب..
ما مل منهو ينتظر طول السهر
بس البلا من ينتظر رجعت كذوب,,

[النايفة]

احضنيني و اسمعيني للأخير______و اتركي عنِّك سواليف البعاد
الصدر من زحمة أيَّامي ضرير_______عاد تبغينه يفارق له بلاد?!
أبك أنا لامن حضنتيني اصير_______زي عشِّ(ن) فارقه طيره و عاد

[النايفة]

يا إبن الحلال أنت وش تبغى بـ هالدمعة..
بتموت ما شفت دمعة ذل من عيني..

ماني حبيبك إذا ضحيت بـ السمعة..
لا ذلني حب ويش اللي تبي فيني؟..

لا تكسر الود يجرح راحتي جمعه..
يكفيك جرح الحشا لا تجرح يديني..

لا تزهم الليل كل اللي بقى شمعة..
هي كل شي تبقى بينك و بيني..

وهج المكابر تراه بـ يحرقك لمعه..
باكر ترى أقول لك ما عاد يمديني..

أبعدتني و القلوب القشر مجتمعه..
دايم و أنا القاك, دايم و أنت مغديني..

أدور أنا و أنت مثل السبت و الجمعة..
يا قربنا و الصحيح إنا بعيديني..