سجل دخولك للمنتدى ببيت شعر اعجبك

[هيـاا العـازمـي]

.
.
.

أحيان أفكّر فيك واحتار فينـي
واقول في بالي وش اللـي تغيّـر

إنته مثل ما انته فـؤادك يبينـي
وآنا مثل مانـا بحبّـك مسيّـر

طيّب !! وش اللي مبعدك ما تجيني
يعني ضروري أحترق واتحيّر ؟!!

قرّب واذا ودّك بسكنْك عينـي
واذا تبي أكثر .. تعـال وتخيّـر

[سالم صالح]

يالله ندعي بكل ركعة وسجدة =انك تذل وتخزي الكلب بشار
وتنصر المسلم ورحمتك نجدة =على عدو الدين تباع الاشرار

[هيـاا العـازمـي]

.
.
.

العاشقين اللي سواتي و شكلي
...في قلوبهم ما تعلم الناس مجهول ،،!!

و البرد في كتوف المـدينة ترك لي
...شال و عباة و دق لـ فراقك / طبول ،،!!

[هيـاا العـازمـي]

.
.
.

وين انت ياشف الخفوق الا استضاق
...... العين لــ/ مشاهد .. [ عيونك ] .. تايقه

يا ( شاغل التفكير ) بعدك / ما يطاق
...... أتصنع .. [ البسمه ] ووماهي : لايقه

[هيـاا العـازمـي]

.
.
.

يضيق صدر الغريب إليا فقد داره
...................{ ويضيق صدر الحبيب إليا فقد غالي

,

ياليت بين البشر والخافق ستاره
...................{ وماتقدر تشوف هذا الحزن عذالي

,

لو أمسح الدمع تاره وأتركه تاره
...................{من يمسح الذكريات اللي على بالي ؟

[سعود المسعودي]

ماطلبت الرزق والجود من كف البخيل
طالبه من خالق الخلق رزاق الانام

المعز الناصر القادر الفرد الجليل
المهيب الواهب الرافع العدل السلام

فوق عرشه مالك الملك ملكه لايزيل
محيي الارواح قيوم عينه ماتنام

رب موسى واهل الكهف ولمريم كفيل
ناطقِ عيسى بحكمه وملهمه الكلام

مارجيت إلا إلهي وانا عبدِ ذليل
كيف برجي شخص مخلوق والدنيا حطام
(رابح الغضيان)

[هيـاا العـازمـي]

.
.
.

الله يا سعوود المسعودي

ذائقة ولا أروع

كيف لا؟

وهي من بنات أفكار شاعرنا العذب

رابح الغضيان

يصح لسانه وبووحه وفكره

ولاعدمناكم

.
.

تسجيل دخووولي

نصيحة مجرب : كل ما فات عدّه مات
لا تحرص على اللي ما ألتفت لك .. ولا ثمّنك !

تفاصيل ( اربع سنين ) خذها (سبع كلمات ) :
من الصعب ترضي شخص ماهوب راضي عنك