سجل دخولك للمنتدى ببيت شعر اعجبك

[فيصل الرسلاني]

جا يشوف الحال كيفه بعدماهزه حنينه
............................... وقبل يسألني سألته كيف حالك يالحبيب
· قال انا كني غريب مضيع دروب المدينه
............................... قلت انا كني مدينه تنتظر رجعة غريب

[هيـاا العـازمـي]

.
.
.

{..وش الفايده أشتاق لك .. وإنت تشتاق
وغيري نصيبك .. وغيرك نصيبي

دام النهايه واضحه .. بُعد وفراق
شالفايده .. لاقلت إنك حبيبي !؟؟

[بنت الكحيلا]

فيض الغلااا .. لامن سقا قلب المولّع .. طيّره
وأنا علىَ كبر الغلااا .. شوقي تعدّىَ، وطاربي

بختي .. واعرفه مِنْ زمان .. منكوس يلعن خيّره
مرّات اقول: احترت به ومرّات اقول: احتاربي

[فراج زايد]

سمو الغرام اللي كسر خاطر العشاق
يحدك على تجاوز الفكره للخيال

حدود العقل تسوتعب وتقفل الاخلاق
وانا وين ابلقى من ورى الحب راحت بال

[هيـاا العـازمـي]

.
.
.

محتاج لگ ..
ولا ابي منگ حاجه
محتاج لگ ..
لو كنت ماني بـ محتاج
لو قالوا : الضيقه وراها انفراجه
ابطيت أدور .. كيف للضيقه افراج ..؟
الله خلـق للداء ... دايم علاجـه
وانا || السكـوت || لـ علتي دايم علاج ..!!

[بنت الكحيلا]

غلاك صفيته علي موضع الرمـش
مثبتـه مابيـن رمشـه ورمشـه
يعني علي ماجاز لك بالهوي إمش
إلعب علي مزن السحايب ورشـه
وعش في عيوني طالبك يالغلا عش
ياعل تفدا ضحكتـك ألـف خشـه

[فيصل الرسلاني]

كل ما اقفيت ناداني تعال ...... وكل ما اقبلت عزم بالرحيل
وكل ما اجنبت واعدني شمال ...... يا اهل الحب ضيعت الدليل
الحقيقه غدت مثل الخيال ........هو عدوي وهو اغلى خليل
شفت انا الظلم من بعض الدلال .....يجرح القلب لو كانه جميل
اشهد ان الهوى مابه عدال ....... هو خلي وانا قلبي عليل
وكل ما قلت له يابن الحلال ......المحبه عطى وانت بخيل
التفت لي وهو عجل وقال .......لذة الحب في الشي القليل

كلمات الامير بدر ابن عبدالمحسن