سجل دخولك للمنتدى ببيت شعر اعجبك

[عين المها]

ماودي أجرح هجعة الليل وأصيح=صوتي صداه يثيرصمت الذيابة
مليت هم وصبرمليت تجريح=صدري لطعنات المواليف غابة
رضيت أعيش بوادي الرمث والشيح=عقب الرفيق اللي جرحني غيابه

[هيـاا العـازمـي]

.
.
.

سَلم على اللي فآقده .. ولآ فقدني
....... وَقله بعّد ما تقول لـ عيونه إشتقت ..!!

محلله / عن كل وعدٍ وعدني
....... وَمسآمحه / عن كل ليله تضآيقت ..!!

[سالم صالح]

يلعنك ياقلبٍ من الحب خالي=ميت شعور ولا عرف حب واحساس
هذا تراه اللي حداه الظلالي=لاهو معَ نفسه ولا هو مع الناس

[محمد بن موسى]

فيض الغلااا .. لامن سقا قلب المولّع .. طيّره
وأنا علىَ كبر الغلااا .. شوقي تعدّىَ، وطاربي

بختي .. واعرفه مِنْ زمان .. منكوس يلعن خيّره
مرّات اقول: احترت به ومرّات اقول: احتاربي

[بنت الكحيلا]

اربع اماني لى وطالبك يارب

حقق على قد الرجاء امنياتي

الاوله ارحم لى الام والاب

والثانيه اسعدني باقي حياتي

والثالثه .. تجمعني ب من هو احب

والرابعه ... اموت وانا بصلاتي

[محمد بن موسى]

سلامتك .. يانور عيني من الضيق =لا عاد تحجز له بـ صدرك / مقاعد
اضحك , ولا يدرون عنك المخاليق =أنا معك .. [ ماعاد فيها مَواعد ]
وحنا .. نعرف إن المحبة توافيق حتى لو إن ظروفنا / ماتساعد

[بنت الكحيلا]

لا جاني الهم انتخيت وقلت انا بنتك يا بوي

ماهي انا اللي همها يقدر يشل افكارها

ما ضامني ظلم الاهل ولا تحكم بي اخوي

اجل همومي كلها ترحل ولا اخشى اضرارها


بنت الكحيلا