سجل دخولك للمنتدى ببيت شعر اعجبك

[هيـاا العـازمـي]

.
.
.

"يطيح من الصدر ......... ذنب الكلام ورغبة التفسير !
.................وامد ّ النور .. لااحزان الخطاوي ... واهجر المينا !!

واجي في صمت ! يتكلّم كثير ! وفي حشاي كثير !
.................أجي في هم ْ .. ماملت دروبه ...... من خطاوينا !!

هِنا كانت أسامينا .. وغصن العاطفة .... والطير !
.................وهنِا ظليت أنا .. والعاطفة ! ..... نبكي أسامينا !!

أنا اذكر قلتها مرة ... ! " ورى ماآخذك ... ونطير " !؟
.................وانا اذكر وقتها قلت ..... " ونتحــدى ... ليالينا " !!؟

تبسم للغلا طفل ! وصرخ " واللي يصير يصير " !
.................وطارت من قفص صدري حمامة ! واصدحت فينا !!

ضحكنا يوم حسينا بأنك ... يالزمان ... بخير !
.................بكينا يوم طاولنا أذاك ............. وفيك حسينا !!

[معانق الغيم]

صح المشاعر كلها وانت راقد
ما ابيك تصحى والمشاعر لك ارقود
كان المحبة ماتشب المواقد
تبقى كذا ... جزء من النص مفقود
صعبة تجدني وانت للحب فاقد
والاصعب اني فاقدك وانت موجود

[فراج زايد]

اقول لاطول غيابه يجيه اشتياق
،،،،،،،،،،،،،،،،،،، اثره تعود على الصده وقلبه نسى

اخر لقا مع جنابه قبل غزو العراق
،،،،،،،،،،،،،،،،، يالييين قلبه قبل مستغرب انه قسى

فراج زايد

[هيـاا العـازمـي]

.
.
.

دخيلك لا تشجعني أسولف وأكسـر الكتمـان..
.......تعبت من السكوت اللي تعود يسكـن بذاتـي

عليم الله مافيني شبر يضحك فرح وأشجـان
.....وأنا لو جيت ابضحك لك .. أجيك أضحك بدمعاتي

[محمد بن موسى]

الريح مازحزح رجال(ن) طحاطيح=والا الشـجـر يابـنـت مـامـن صـلابــه
يـشـدنـي حـرفــك عـلــى هــبــة الــريــح=ويــشــوش راســــي لـلـشـعــر والـكـتـابــه

.
.

محمد بن موسى

[معانق الغيم]

ودي أحطك في ضلوعي واخليك
لا ابوك يسألني ولا امك تجيني

حتى أخوك اللي يعزك ويغليك
ينساك في صدري ولا يبتليني

وان ضاق بك صدري رفعتك اسليك
تطلع من ضلوعي وترقى لعيني

[عوض بن خميس]

قلّي وربك ( وش وراه إتصالك) !
....................... جف الحنين وضيّق الصوت صدري !
حتى نسيت أسألك ( وشلون حالك) !
....................... أدري من الصدمه بلا شك ... أدري ..
مشكور ... لكن ( ويش يعني سؤالك) !
....................... تسأل عن الإحساس وأقول : مدري !
بـِ المختصر مالي مزاج ... لـِ جدالك ..
.................... تبي الصراحه .. جيّتك .. حيل بدري - !!