سجل دخولك للمنتدى ببيت شعر اعجبك

[بنت الكحيلا]

أنا وين اروح وكل دربٍ مشيته هـمّ
جميع الدرووب أمنين ماجيت مهمومه!!
يقولون لاكثرت عليك الهمـوم فنـمّ
تناسى همومك والمقاديـر مقسومـه!!
خذلني زماني والزمن مابوجهـه دمّ
يهين الانسان لين يتضايق من هدومـه!!

[هيـاا العـازمـي]

.
.
.

أبــرحـــل والـطـريـق اللي يــودي مـايـرجـعـني
يـبـي يـغــنيـني الله عن هـوى حـبك وطـاريــّه

ومـثـل مـاتسمع لـعـبدالـكـريـم أبـيـك تسـمعـني
وداعيه يا أخر ليله تجمعنا ... وداعــــــــــــــيّه

[خلف الغريب]

ليا صار زود المال بيدين الانذال=حنا من المعروف تندا يدينا
وان باعوا الشيمة بدينار وريال=حنا دخلنا سوقها واشترينا

[هيـاا العـازمـي]

.
.
.

كنت أظن ، ولكن ـالوقت خيّب لـي ظنـون
انتهت كلمة ( كفو ) وابتدت كلمـة ( أفـا )

من كثر ما جروح وقتي على صدري تمون
صرت أضيق أن شفت جرحٍ من جروحه شفا

لو أخون ـالبعض ، ماهو بطبعي لو أخون
بس بعض ـالناس مـا يستحقـون ـالوفـا !

[بنت الكحيلا]

من عادتي لا عكّر الوقت جوّي
...............أخفي دموعي عن نظر كل غالي

ما ابدي تناهيدي ولو شبّ ضوّي
................وأدفن همومي بين فكري وبالي

وش عاد لو بركان حزني يدوّي
...............وإلاّ يهد بداخلي كل عـــــــالي

الله بلاني ب(العقل)و ش أسوّي؟
..............دربي يميل ولا يميل اعتدالي

حيّرت في ممشاي حيلة عدوّي
.............لين اقتنع في طيبتي وانثنا لي

هذا وانا في سكّة الحب توّي
.............بأوّل خطاوى رحلتي وارتحالي

من عافته عيني ..هفا من علوّي
............ومن حبّته نفسي ..سكن بالعلالي

[غموض الشمال]

يارب سامحنا على كل تقصيـر
انت الكريم ورحمتـك واسعتنـا

نخطي ونلِحق من خطانا المعاذير
ولولا الامل في رحمتك كان متنا

[هيـاا العـازمـي]

.
.
.

كلها تهون لعيونك وأشعـر إنـي بإنتصـار...
وأمسك النـار بيدينـي ولا أفكـر بالمصيـر

دامك المـوت الحقيقـي ياحـلاة الإحتضـار...
تزرع الشوك بطريقي أمشي وأتخيل حريـر

التحدي هـو غرامـي ولا أعـرف الإنحـدار...
ولذة السكر هوايه تخجـل الوضـع المريـر