حروف متناثرة ارهقهاا الزمان

[محمد بن موسى]

حتى الذي حطيت له بالغلا شـان
--------جمع أحاسيسي بلحظـه وكسرهـا

أنا بحياتي مـا ترجيـت أنسـان
--------عودت نفسي دوم تعطي ظهرهـا

حتى ولوجفت دموعـي بالأعيـان
--------كسرت أنا الدمعه معـا من حدرهـا

[محمد بن موسى]

في احد المواقع السابقه
كان هناك موضوع بأسم (( السجن ألادبي ))
يوضع العضو فيه ولايخرج الابكفاله وهي عبارة عن قصيدة تحكي عن الحدث
وبعد غياب طويل عن الموقع والسجن رجعت فكانت لحظات مؤلمه عندما وجدت الاعضاء قد تفرقوا واصبح السجن مجرد ذكريات بغياب شعراءه والاعضاء المتواجدين فيه

فترجلت هذة الابيات وهي تشرح نفسها..

يقول من هو شاف من سجنه البيـن=وجلــس يقلــب ذكــريات(ن) قــديمه
لقــى لــه حــروف(ن) لناسً عـزيزين=وكــانو لــه اجمــل مرحلـه من سنينه
هلــت دمــوعه واحــرقت محجر العين =كــل ما قـــراء له حـــرف منهـــم بعينه
لقــى مــزوحه مع هل المذهب الزين=وكـــم كــانت النـــيات بيضــا ..سليمه
ضحــك وسهــر ومـــزوح بين الفريقين=ولافيهـــم اللي اشتكـــى من عـوينه
ناسً على طبــع الــوفا دوم ماشــين=اخـــوان ديـــــن ولا نعــرف الظغيــــنه
الله ياسجــــن(ن) دخلته من سنيـن=كنـــت استلــــذ بدخلتــه كــل ليلـــه
واليـوم صــار السجــن كنه سكـاكين=والنفـــس صــارت من قهـــرها حزينه

[محمد بن موسى]

لوغيرك اللي يسولف ماتحمّلته=لكن على شان عينك هانت ألامى
للحب مفهوم عمرك ماتخيلته=ماأظن يستوعبه تفكيرك السامى
لاتعتذرلي وابنسى كل ماقلته=وش ينفع العذر لامن ضاعت أيامى ؟

[محمد بن موسى]

شف [ غيابك ] وش يسوي بالدقايق والمكان ...؟
.............. شفني اليا ضقت والا ( اشتقت ) ويش ايصير بي ,!

اتلفت ما احس بشي ... من . . . / قلّ الامان ‘
.............. وكل ماقلت اني ابغى شي مدري [ ويش ابي ]!

[محمد بن موسى]

احلى صبــاح واحى مســاء على الزوار الكويسه


صراحه اليوم احس المنتدى فيه خمول مو طبيعي
تنقلت بين عدة اقسام وطحت على كيبورديه بيني وبين العشير جائز المليحان وفطست من الضحك وانا اقراها
قلت انقلها لركني واونسكم بها

المشاركة الأصلية كتبت بواسطة جائز المليحان

يوووو ووو ووو هـ .. يالعشير

ياحبك للنشده ^.*

امممحق


صرت تسنك محققين 11 سبتمبر ^_^
هههههههههههه

لكن تدري كيف يالعشير ؟

.
.

اسسسسستلم طااااااااااال عمرك

^_^

بالمنتدى ماتقدر تبيح بفكارك=خصٍ اذا جالك محمد على الطاري
شخصٍ كريمٍ لكن يغابش اسرارك=لولا الحيا يمكن يطالبك بالباري
شامخ على الألعاب ويراقب اسوارك=عينه كما الدربيل وإلا طلق ناري
حتى عوض يشناه : ياطير ما طارك=وإلى زعل اوعزه : هيا إلى الساري
لله ولا كونن يباريكِ في كارك=تقتل قتيلك وانت كنك و لاداري
ياخوك كف البحث و افرط لي اخبارك=فل الشريط بقافٍ أحلى من اشعاري
خل نتحاور ضحك ..نكتب على: آرك=مدامنا جيران .. جدرك على جداري

وسلااااااااااااااامتك يالعشير

^_^

المشاركة الأصلية كتبت بواسطة محمد بن موسى

هلا وغلا يابو احمد

سلمت ودمت يالعشير وكفووو والله ياذيبان
والمعذرة ماقريت الابيات الا متأخر

ودامها على ( آرك ) شب نارك

لبيه جيتك اجاري حرفك وآرك=ياللي من الناس تنشدني عن اخباري
جيتك بجيش القوافي في عقر دارك=متحيزم(ن) في جديد القاف واشعاري
شمّر عن ايديك جيتك رافض اعذارك=عادتك صنديد بين الناس مغواري
وابيك تشرح لزواري وزوارك=عن سر قلبك قبل لكشف لك اسراري
خابرك وافي ونبغى نسمع اشوارك=باللي هجرني وفارق زوله اسواري
اما انت تفّصح وتكتب كفك اقرارك=والا انت تطفي لهيبً يحرق ازهاري
مابيك ؟وقت الشدايد ياجمل بارك= ابيك تنهض تشيل الحمّل ياجاري

[محمد بن موسى]

من الفراغ قلت انقلكم اغلب ماكتب بقسم الالعاب (( عبر عن احساسك ))

المشاركة الأصلية كتبت بواسطة محمد بن موسى

خابرين ( افنار ) و ( انجي )
الفلم الهندي بطاش ماطاش انعرض امس

لّج الخفوق وكل مافيه لّجي=واسترسلت لجله جميع العبارات
ماكني الا ( أفنار ) والزين ( أنجي )=والحب بآن وبيننا له اشارات

[محمد بن موسى]

وهذي ايضاً من الكيبورديات بيني وبين جائز

المشاركة الأصلية كتبت بواسطة جائز المليحان

تسجيل دخول بكلمة ... مهداه للغالي محمد بن موسى
وكيبورديه كالعاده ^_^...

يا محمد الرويان بكشف لك احساس=خافي وعين الحسد لا لا تشوفه
من زود خوفي يابيض القلب ينداس=حتى خليلي ما عطيته وصوفه
هيبة يباس الجوف لا قلت يا ناس=عيّت على عين المعنّى تحوفه
الود فايق والغلا فاس بالراس=والبوح مابيّن حقايق نشوفه
مترادفين الضد والكل بالكاس=والموت كان الصمت سبّب عزوفه
ويا سرّي المدفون لا باس لا باس=محمد الرويان اعرف ظروفه
احرص من الضبه على جمع حراس=والطيب وسمه والنصايح حروفه
يمه زعجت القاف مكتوب بانفاس=لانه حكيم وسر خله يروفه

المشاركة الأصلية كتبت بواسطة محمد بن موسى

<< طش الغتره مع الطاقيه ويقول لعيونك يابو احمد

اهلاً هلا يالوايلي عذب الاحساس =يامقلّط الجزلات واجب ضيوفه
ايوالله احضر وافتخر وارفع الراس=مادام مثلك حاضر(ن) مانعوفه
انصاك لو دونك جموع(ن) وحراس=وماهمنا لوصار فيها كلوفه
ابشر بعزك لو بها يقطع الراس=وينشال من فوق المتن مع كتوفه
آقف معك مثل المهلهل لجساس=واللي يقّرب غير يلقى حتوفه
وان كانها بالبعّد مع عذب الانفاس=لعيون جائز غير بيته نحوفه
مدامها طيبه ونخوة ونوماس= نرضي اهلها لين تقضّب كفوفه
وان كانها بالغصّب لندق الاجراس=لضرب بصفي ما احتمي من صفوفه
لـ( أجيه ) تال الليل يالذيب عساس =ومع الشروق تشوف عينك وصوفه
هذا جوابي يافتى الجود بقياس =عشرة بيوت أبدون نقص وحسوفه