سجل دخولك للمنتدى ببيت شعر اعجبك

[بندر السديري]

أنحت صخرّ ... عقلي واعمّر لك بيوت !
.................. بيوت .../ تنفّر .... ضيقتك /.. واتحّاشى
وتقول : ياسكّر ... تساقط على توت !
................. ودي / تشبّعنا ..../ جياع ...../ وعطاشا

[محمد بن موسى]

عمر الغلآا / ما ينقصـه زووود الأيـّام=حتـّى و لو خالف زمـاني .. / زمانـك
تبقى الليالي ’ عزف و روحك لـها أنغام=و يبقى ’ مكانك .. مثل ما هو مكانك

[بندر السديري]

مرحبا يابو فهد

الندم : ترتيب طابور امنياتي .. في صفوف
.................. ثم اشوف شلون تنقص روسها في كل ساعه

كني اللي مات حرقة ... يبكي عيالٍ وقوف
................. في صفوف : الموت جانا ، مالنا فيه استطاعه

كبّر ، وربّى ، وفـ الأخر .. تقيّدة الظروف
................. بأنه يكفن عياله .... بعد ما ماتو .../ جماعة

[غموض الشمال]

تدري متى تنفض يديـك وتعـاف [ الحيـاة] ؟!
لــ عطاك الله" معاناة " وحرمكـ [ الصبر] ..!

[بندر السديري]

ياشينها ../ لاصرت .. بس أتهّرب
............ من واقع .... وتبغى تعيش الملذات

[محمد بن موسى]

بك البقاء يابندر

حي الله القطوع اللي مانشوفه الا من اسبوع لسبوع < صار بيت شعر ههههااي

ماكل عين تذرف الدمع بأحزان
وماكل من يضحك يعيش بسعاده
كم واحد دمعه على الخد هتان
من زود همه يذرف الدمع عاده
يحاول انه يبتسم قدر الامكان
ويضحك ونار الحزن تحرق فؤاده

[بندر السديري]

ابوفهد قسم الجدول في رمضان مدري وش يبي ههههههه
من اذان العشاء معاد افضي الا مثل هاالوقت ياخوك واذا رحت للرياض مافيه امل افضي .. << صارة معلقه ماهو بيت شعر ههههههههه

صدقني ان ضاقت معك كل الدروب
............ خذها نصيحة ، واتبع الشور يافلان
لا تغرف يمينك من بحور الذنوب
........... واشرب حلال وعاشر الناس بأحسان