اهدي بيت شعر للي قبلك

[محمد خلف الزايدي]

خل حزنـك يسولف واذكـر الله ونــآام
وحط راسك على صدر الفراق الحنون

وان صدفت الهوى قله : عليك السلام
وإن صدفت الحزن قله : عساها تهون

[ديــــــم]

إن كان " قلبك " من أوجاعي / يحاتيني ؟!
يا خوفي , من حالتي ,, آتَعِّب عيونك ... .!
:
الله وكيلك .. [ سؤالك ] بس يكفيني ,
يروح - كل المرض - إن قلت : وشلونك ؟

[محمد خلف الزايدي]

بعض المواقف تجي وتروح ما تبقى
وبعض المواقف صداها بالعمر باقي
يا صاحبي لا معي تتعب ولا تشقى
ما يتبدل الوقت وأخلاقي هي أخلاقي
إن جيت أرحب وإن ما جيتني تبقى
أنت أكثر انسان عزيته من أعماقي

[ديــــــم]

تدرِي !
ليَآ تعبت مِن الحنِين ,
آبتِكر .. آلف لحظَه , سوآلِيف وقصِيد وغرآم
لِين تغفىَ عيُوني كذب .. مدرِي لعب
وآتعوّذ من آحسسَآس الغيآب ,


و آنَـآم !

[محمد خلف الزايدي]

تدري وش أكبر ويل يَ راعي الويل
لا حذروك و وقّع الفاس بالراس

وتدري وش الي ما به أدنى محاصيل
هَرجْ القفى هرج النميمة والإنكاس

و تَدري وش اللي يرفع الضغط بالحيل
إنّك تحب إنسان معدوم الإحساس

[ديــــــم]

ودي اكــون .. البحــر لك .. وانته لي السيف
واكـون لــك .. عمـرك .. وقرة عيــــونـك

لا تخاف لامافيه .. شــكٍ .. وتخــويف
أنا معك في رحلة العـمــر .. عـونــك

نظمـت عمـري عقد .. لا تقول لي كيف ؟؟
أيام عمـري .. مـالهـا طعــم دونـــك

وعطـنـي بحبك اي وصـفٍ .. وتعــريــف
بس اني أبـقــى .. نظـــرةٍ في عيـونــك

[محمد خلف الزايدي]

ياويل من حده زمانه على إثنين
حظ ردي ولا عضيد تناساه
وصارت حياته تجول بين نارين
نار الأمل مع نار علم تحراه