][~^)()( صَـمْتِي~آلــ مُزْعِج!!)()(^~][

[سعد النفج]

ما همشتني الا تهميشها همش = لكن قسم بالله لايق عليها
تصد و تنرفزني بهزة الرمش = وشرهان ابي لي لمسة ٍ من يديها

[سعد النفج]

ترحل جروح و تسكن احساسي جروح
جــرح ٍ يروح .. وجـــرح بعده يجيني
الصمت يذبح .. و الفضيحه على البوح
و أنا .. تعبت آموووت .. بينـي و بيني
لو ادري ان الصمت.. يستنزف الروح
حكيت حــزن ٍ .. داخــلــي .. مبتـلـيـني
ولو ان صمتي.. يجعل الصدر مشروح
يولــد حــزن .. ثم .. ادفنه في يديني
لكن علـى الوضعـين.. تنهيــده و نوح
اسكـت حـزين .. و في كلامي حزيني
و يا دمع عيني.. كل ما رحت مسموح
لـــو ان هجــرك لي .. يتعّب سنيني
وشلون تتركني و انا انســان مجروح
ترحل .. و انا محتـــاج لمسامريني
ما باقي ٍ لي غير .. رسمه على اللوح
تنبش جـــروح .. و تطبع الحزن فيني
ايه اسمعوني ..( باين الصوت مبحوح )
حــزني .. نزع روحي .. و بيّح كنيني

[سعد النفج]

الغالي / خالد الغانم ..
منووور يا ابو فهد ..
سعداء بعودتك و سعداء بمصافحة أحرفك من جديد هنا ..
عودتك كـ قطرات الندى على ورود ٍ كادت تذبل ..

[سعد النفج]

إن كـــان صمتك
:::: عقوبه :::::
يا بعد عمري "
.
.
أنتي من الصمت
::: كسّرتي :::
مجآآآآآآديفي :::

[سعد النفج]

سؤال يا " .... " و لا له إجابه ..
ليـه البشـر تجـرح و حنا نتـألم ..
نعيش بالدنيـا ضيـاع و كــآبه ..
و يموووت واحـدنا اذا مـا تكلمّ..
تدرين " ليه الحـب مـاله مهـابه..
لأن المشــــاعر تعترينا بلا دم ..
نلبس " قناع الحب " و نفك بابه ..
بس الحقيقه .. نحفظ دروسنا صم ..
نحفظ كـلام الحب قبل الكتـابه ..
و اكذب و انا ماني من الحب مهتم ..
لعبة مشــاعر و ابحثي عن جوابه ..
ذاك الســؤال اللي طواريه علقمّ ..
سـؤال لكـن ما له أية إجــابه ..
ليه البشـر تجـرح و حنا نتــألم ..

[سعد النفج]

هي انكسارات متتالية لا أعلم إلى أين ستحملني أكتافها !!

[سعد النفج]

قالت لي كيفك : قلت انا .. ماشـي الحـال
لـو ان سيـف الضيـق قاطـع وريـدي

أظْهِـر لهـا البسمـه لـو الدمـع همّـال
و اضحك لـو ان الضحـك عنـي بعيـدي

أخفيـت عنهـا حزنـي و ضيقـة البـال
سكـتّ خايـف مـن تعبـهـا يـزيـدي

و الكلمـه اللـي صعـب تظهـر و تنقـال
كلمـة " ودآعـاً " يـا ارتباطـي و قيـدي

كانت لنـا قصـة وفـاء بيـن الاطفـال
بـهـا .. تحديـنـا الـزمـان العنـيـدي

بالعيد .. نفـرح .. ونتقابـل .. ونختـال
صغيـر و احسـب شوفهـا بـس عيـدي

و اليوم جتنـي بعـد مـا صـرت رجّـال
و دموعهـا تلعـب علـى كـل حـيـدي

قالت : سعد !! حلـم الطفولـه و الآمـال
ينـزف .. وتوديـع الحبايـب و كـيـدي

ابوي جوزنـي ولـد عمـي .. و قـال :
العقـد بكـرا .. و الحكـي مـا يفـيـدي

و انا وعدتك يـا سعـد .. والدهـر مـال
و احترت مـا بيـن الوعـد و الوعيـدي

و اقفـت تلـم دموعهـا بآخـر الـشـال
و انا .. انكسـرت و زاد همـي و كيـدي

و دعتها و انـا امسـح الدمـع و احتـال
مـا بـي تحـس انـي حزيـن ووحيـدي

طـال المـوادع بيننـا .. و العنـا طـال
غآآآبت سنيـن .. وشرّفـت مـن جديـدي

و قالت لي : كيفك .. قلت : انا ماشي الحال
لـو ان سيـف الحـزن قاطـع وريــدي



.