كل القبايل زاينت وعنزة وين ؟؟؟

[عدنان مرضي]

ابو خالد


مابعد هاذي هرج


الجمت الافواه واخرست الالسن


صح لسانك بعدد حروفها


ودمت

[خلف فلاح الحمرون]

الشاعر الجزل خلف الغريب
صح لسانك ملايين
قصيده شامخه
قصيده فخر نادره
الله لايهينك
كفيت ووفيت
وبيض الله وجهك
تحياتي لك000000000000000000

[ماجد الغانم]

الأخ العزيز

والشاعر الرائع

خلف الغريب

صح لسانك ولاهنت .............


وكفيت ووفيت وبيض الله وجهك على هالقصيده الوافيه .......


التي أعطت الأجابه الكافيه والوافيه فعلاً


لله درك ولافض فوك


دمت بكل خير

ودام هذا التميز والأبداااااااااااع اللا محدوووود



تقبل خالص تقديري واحترامي

[سعوط المجانين]

والمجد باكرام الضيوف البعيدين
وكم حايل للضيف نرمي شناقه
والمجد باكرام الخوي لو بعد حين
ونرفا خطا الصاحب ولو كان عاقه

ونعم

والجار منزاله على الراس والعين
ولو غاب عنا ما هتكنا رواقه

مبدع ياخلف

عقيل وان جات الحرايب مجانين
نهدر هدير الزمل وقت اصطفاقه

وصف ليس بالغريب على شاعر شرواك

عيال وايل ) لا تلاقا القبيلين
كم جيش قوم جيشنا الذرب عاقه
الكيل وافي يوم نقص الموازين
يفرح بنا اللي جاير الوقت ضاقه
جنود كسرى كسروها ( الشيابين )
واهدى لهم ( هاني ) من الموت باقة
لجت بنا اللي شافت الظلم والبين
يوم الردي ما له على الطيب طاقة
وما حد يصوت بالعشا للضعيفين
يا كود حنا والخلايق بفاقة
نعطي العطايا للبعيد وللادنين
والله كفل رزق الخلايق وساقه

وصف دقيق للاحداث القبيله فالماضي بروعه وجزاله شعريه

نعيش واقعنا ملوك وسلاطين
ونعيش ماضينا رجال العراقة
الزين هذا الزين يا طالب الزين
طيب الفعايل عاشقينه عشاقة
وياللي سألت وقلت وين المزايين
المجد هذا ما نقيسه بناقة

صح لسانك ولاهنت وانا اشهد انك شاعر كفو وجزل بما تعنيه الكلمه من معنى لامجامله فاانت مكسب للشعر الحقيقي وجميعنا نفتخر بك

فكل ماقرأت لك قصيده اتوق لجديدك فلا تحرمنا من ابداعك

تقديري الجم

...

[عبدالله الثابت]

المشاركة الأصلية كتبت بواسطة خلف الغريب

بعد التحية :
سؤال وجه لي وهذه اجابته العاجلة
المهداة الى الجميع من ابناء قبيلة عنزة الكريمة وغيرها من القبائل الكريمة :

كل القبايل زاينت وعنزة وين؟؟=ما شفت بالساحة مزاين سباقه ؟؟
سألتني وافتيك يا بارد العين=اسمع من المسؤول زبدة مذاقه :
المجد ماهو في جمال البعارين=وطيب القبايل ما نقيسه بناقه
والمجد ما ينباع وسط الدكاكين=ولا هو على زين الشكل والرشاقة
المجد يا باغيه في خدمة الدين=في طاعة الله وابتعد عن نفاقه
والمجد في سنة ختام النبيين=نتبع هداه ولا نخالف وثاقه
والمجد باكرام الضيوف البعيدين=وكم حايل للضيف نرمي شناقه
والمجد باكرام الخوي لو بعد حين=ونرفا خطا الصاحب ولو كان عاقه
والمجد بتفقد حوال المساكين=والمجد في لمة وجيه الرفاقة
والمجد باوفاي العهد والعهد دين=يوم ان ولد اللاش قصر وباقه
والجار منزاله على الراس والعين =ولو غاب عنا ما هتكنا رواقه
والمجد يوم انه بكسب البعارين=كم ذود شيخ من يدينا نفاقه
ناطا وصوت الملح مثل البراكين=ليا ما نتخير بين ناقة وناقة
بالمعركة نقلب ثقيل الموازين=وكم فارس صارت حياته شفاقه
عقيل وان جات الحرايب مجانين=نهدر هدير الزمل وقت اصطفاقه
( عيال وايل ) لا تلاقا القبيلين=كم جيش قوم جيشنا الذرب عاقه
الكيل وافي يوم نقص الموازين=يفرح بنا اللي جاير الوقت ضاقه
جنود كسرى كسروها ( الشيابين )=واهدى لهم ( هاني ) من الموت باقة
لجت بنا اللي شافت الظلم والبين=يوم الردي ما له على الطيب طاقة
وما حد يصوت بالعشا للضعيفين=يا كود حنا والخلايق بفاقة
نعطي العطايا للبعيد وللادنين=والله كفل رزق الخلايق وساقه
عن ( السبيعي ) تم دفع الملايين=والسيف جا له من سببنا الاعاقة
شلنا الحمول الكايدة بين يومين=وسجين بعض الناس يبست ارياقه
واليوم في ظل الملوك الميامين=كل العرب عاشت بعز ورواقه
نعيش واقعنا ملوك وسلاطين=ونعيش ماضينا رجال العراقة
الزين هذا الزين يا طالب الزين=طيب الفعايل عاشقينه عشاقة
وياللي سألت وقلت وين المزايين=المجد هذا ما نقيسه بناقة

1 ) الشيابين هم بنو ذهل بن شيبان الذين اجتمعت عليهم وائل في معركة ذيقار الشهيرة
بقيادة بطل العرب هانئ بن مسعود بن قبيصة الشيباني ..

وسلامة الجميع

اخوكم : ابو خالد الفقيري

( خلف الغريب )

اخي وشاعرنا الكبير خلف الغريب


صح لسانك وبيض الله وجهك


والله العظيم انك شاعر جزل وترفع الراس


كل التقدير والاحترام لك من اخوك الصغير عبدالله الثابت


حقيقة انت مكسب لنا ونتشرف بامثالك


تحياتي

[خلف الغريب]

المشاركة الأصلية كتبت بواسطة تركي صالح

وياللي سألت وقلت وين المزايين
---------------------------------المجد هذا ما نقيسه بناقة

الرائع / خلف الغريب

كفيت ووفيت يالغالي بما قدمته خلال هذه الرائعه

واللتي شدت بأروع كلام وأقوى معنى

ليكون لها صداها الخاص والباهر

دمت بهذا الابداع ودمت بهذه الروعه

وتقبل فائق التقدير والاحترام

تثبت

الرائع تركي صالح :

صح بدنك اخوي وهذا اقل واجب اقوم به تجاه قبيلتي الكريمة ...

اشكر لك مرورك الكريم الذي يدل على كرم نفسك...

دمت بعافية...

[خلف الغريب]

المشاركة الأصلية كتبت بواسطة محمد الدلماني

المجد يا باغيه في خدمة الدين
...................................في طاعة الله وابتعد عن نفاقه


الشاعر خلف الغريب صح لسانك وانا اشهد انك كفيت ووفيت وبيض الله وجهك

الرائع محمد الدلماني:

صح بدنك ووجهك ابيض وتستاهل عنزة اكثر من كذا ...

شرفني مرورك الكريم....