عـــنــــيزه ... والشعـــــــــــــر .........(( حصرياً لويلان )) - الصفحة 2 - °~*¤®§(§ شبـــكة ويــلان العـربـيـه §)§®¤*~ˆ°

**محمد المقبل** · 05/08/07, (07:51 PM)

اقتباس:

المشاركة الأصلية كتبت بواسطة مطلق النومسي

اليكم هذه القصيده والتي كتبتها عندما شاركت بهرجان عنيزه السياحي

واتمنى ان تعذروني عن غيابي

صلوا على محمد رسول النور والهدي المنير = والله عليه المتكل والله عليه الاعتماد
سبحانك اللهم وفق عبدك الحر الفقير = انت الكريم المعطي المنان ذو الفضل الجواد
يارب جملني وانا لاديار اخو مريم سفير = بديار اخو نوره حماة الشرع وحماة البلاد
سلام يالجمهور بالصفين الاول والاخير = منكم الى عنيزه الى عندي ومن عندي وغاد
صار الشعر ورده وصيرتوا له عنيزه عبير = والورد لامن زاد تحتضنه عنيزه بازدياد
الله يبيض وجه اهلها من كبير ومن صغير = والله يبيض وجه من حط المسامه والشداد
يحير شعر المدح فيكم صدق وبعذره يحير = مدري منين القى عذر وقبول مدري والوكاد
ان الهوى ذعذع ومال الغصن والحزه عصير = وانا يهيضني ميول الغصن وانسام البراد
والظاهر ان الهاجس الليله من التوع المثير = تولموا يامولمين اقلامكم للانتقاد
عندي لكم قصة رجل مايشبهه منكم كثير = لاحب راس ولاخشم ولاتخضع للا ياد
بنى كيانه من عدم من دون عون ولاخشير = موهوب وموفق وعنده صبر مثمر واجتهاد
شرب السحاب وتحت رجله حرك البحر الغزير = وعلم كثير الناس وش فرق البياض من السواد
يطمح يعيش بخير مار الناس شر مستطير = وان سلم من حذف القدر ماسلم من حذف العباد
والناس بعيونه ثلاث وجيه شر وجه خير = والشر مافاده ووجه الخير فاده واستفاد
اخشن من غصون الحسك وانعم من اسلاك الحرير = واحلى من الصيده طعم وانقى من اطفال المهاد
فرقه عن الباقي مثل فرق الرغى عن الهدير = وعز الله انه جاهد العالم على القمه جهاد
الين صار اللي لغيره يعلم الله مايصير = لكن هنا للمعجزه شرط الولاء والانقياد
موقف الدنياء ومشغلها وحظه حظ طير = اما غدى طرح شبكه والا عشاء طلقة زناد
عنه ثقه عميا وعنده ذوق واحساس وضمير = وعنده شوي من الغرور وفيه شر من العناد
واكثر مايعجبني بروده لاغدت نار وسعير = وبساطة الكلمه وقوتها وتحقيق المراد
فلا قلت له شفت القراد اللي على رجله يسير = بكره على رجل البعير يسير ويفك القياد
يقول شفت القراد ليا وصل رجل البعير = تقول رجله هيك والا هيك ويطيح القراد
هذي هي القصة وهذا البيت الاول والاخير = والله عليه المتكل والله عليه الاعتماد

مطلق النومسي

اخوي

مطلق النومسي.

يكفي الشعر فخراً بأنك احد منكبيه.

بسلوبك الخاص نكهة الشعر الحقيقي

يستاهلون أهل عنيزه وكفيت و وفيت يابوفهد.((تقول رجله هيك والا هيك ويطيح القراد))

دائماً وانا أكرر أعجابي بسلوبك الفريد وتفكيرك الحكيم،،،

تقبل تحياتي

**خلف فلاح الحمرون** · 05/08/07, (08:12 PM)

الشاعر مطلق النومسي
صح لسانك يالجزل
معاني قويه ومبهمه
خيال واسع
اسلوب مميز
تحياتي لك
اخوك\ خلف بن حمرون

**حمد الخمعلي** · 05/08/07, (11:30 PM)

الأخ الشـــاعر الكبــير

مطـــلق النـــومســـي

للإبداع شاعر000وللشاعر مكان000وللمكان تفكير000وللتفكير قلم000وللقلم يد تكتب الإبداع00

إبــــــــــــــــــــــداع ولاكن البيت هـــــذا عن ميت بيت

شرب السحاب وتحت رجله حرك البحـر الغزيـر000000وعلم كثير الناس وش فرق البياض مـن السـواد

صــح فكــرك وســلم قــلبك

تقــــديري لجنـــابك

**شمــــــــوخ** · 06/08/07, (01:11 AM)

شَاعرنا القَدير :: مطلَق النُوَمسِي ::

::

كَانَ لِي هُنا تُجْوالْ وَتِرْحَالْ لـِ مَرافِئك ..!

تَبَسَمتُ حِينَ اِنتَقَلتُ مِنْ حَرفٍ اِلى حَرفْ ..!

رَائِعَــــــــــه بَلْ .. اَكثَرْ ...!

دُمتِ بـِ اِحْسَاسِ يُطْرِبُنا ..!

::

شُمُـــــــــــوخ

**سلمان الردسا** · 06/08/07, (08:12 AM)

الاخ العزيـــــــــــــز مطلق النومسي ,,,,,,,,,,,,,,,,,,,,,,,,,,,,,,,,,,,,,,,

صح لسانك يابو فهــــد وبيض الله وجهك مجمل ومايحتاج مقدمات

سجل تقديري واعجابي بما تكتـــــــــــــــــــــــــــــب

وتقبل مروري وتحياتي 000000000000000

اخوك سلمان الردسا 00000000

**محمد الشمالي** · 06/08/07, (06:14 PM)

صح لسان يالنومسي

والله أنك شاعراً رائع

**مشاعر حالمه** · 07/08/07, (06:51 PM)

مطلق النومسي

اي والله بنعذرك على الغياب دامنا شفناك

ولاتعوّدها

ارحب ثم ارحب ثم ارحبببببب

وصح الساااااااااااااانك مليووووووووون ولاتهون

تحيتي لك / مشاعر حالمه