هبّ البــَرَادْ وهيّض القلب عصفــــــــور

[مفوز مقبل التبيناوي]

الأخوة/ رمح الشمال ، ماجد الجعفري ، عبدالله حجيلان ، سعوط المجانين ، عيد الوايلي ، اورنس الهذال ،،،،،،
أشكركم على تفاعلكم وهذا والله أثلج صدري وأنا اعتبره وسام على صدري وصدر القصيدة .....
( اخوكم مفوز )

[عبدالله عايد]

الطِّيْب يِجزى طِيْب والعيب مستـور يـوم ان اهلْنـا يقسمـون الغريفـه

مفوز التبيناوي

صح لسانك مدد بلا عدد

قصيدة راائعة تنوعت بمواضيعها بتسلسل مفرداتها

سجل اعجابي بما تكتبه هنا

ولك كل الود والاحترام .

[مزيد المزيد]

شاعري المميز / ابو فيصل




شهادتي فيك مجروحه وكلماتي تقف عاجزه امام قامه شعريه ...


الطِّيْب يِجزى طِيْب والعيب مستـور // يـوم ان اهلْنـا يقسمـون الغريفـه
واليوم وقت الكذب،والظلم،والـزّور // وقتٍ على الاجـواد طَـوَّل خريفـه
الحقّ ينقـص والمبـادي بحـادور // واوجِس بقلبي مـن تواليـه خِيفـه



تسلسل رائع وتنقل مميز وموفق ..



صح لساااااااااااااااااااااانك مليوووووووون ولاهنت


دمت بكل خير

[عبدالله المعزي]

الشاعر المبدع


مفوز التبيناوي


شاعر يمتلك فكر اصيل بمضمون حديث


رجل يأسر قلبك من مجرد مجالسته مفوز مهما


كتبة في حقك يعتبر قليل شاعر الجوده والاصاله


قصيدك يعيد للماضي بريقه صح السانك ملالالاييين ولا يكفون


تقبل تحياتي

[البيداء]

لانّه يعَرْف ان العَرَب بس جمهـور وفّـى بوعـده واســتــبـاح العـفـيـفـه
والدّرْب طال وكلّه اهـوال وحفـور والليـل ظلمـى والوسايـل كفيــفــــه
وكان اكتِمل صمت الجماهير والسّور باكر نقول (القدس) كانـت شريفـه
مرحوم ياوقتٍ بالاحسـان مذكـور وقت الجمايـل والقلـوب النـظـيـفــه









أهلاً ومرحباً بالأخ ( مفوز التبيناوي ) ،،، (وصح لسانك ) ،، وتحية طيبة على هذه الرائعة الجميلة وبعد :



اسمح لي أن أعانق هذا الإبداع الفريد ،، الذي لا يبدعه إلا شاعر ٌ جزل أحكم بقبضته على أبيات اللغة وقوافيها ،،



فصارت طوع بنانه طائعة ً وخاضعه ،، يصرفها حيث يشاء ،، بما ملك من إسلوب ٍ مُعجز ،، وصياغة ٍ مبهرة ؛



أعجزت غيره من الشعراء في الإتيان بمثلها .....






أخي الفاضل ،، لك تحياتي وتقديري الخالص لما أبدعت وكتبت ،، وأتمنى أن يتم إختيار هذه القصيدة لتكون من


المواضيع المتميزة ،،، لأنها لا تصلح إلا لتكون كذلك ...




ودمت بخير



تحياتي ،،،، إختك الــــــبــــــيــــــــــداء

[ابن نوبان]

مشكور ياالتبيناوي مشكور على كل كلمه بالقصيده
وصح لسانك والله يعطيك العافيه ابدعت ابداع

[عبدالله الثابت]

المشاركة الأصلية كتبت بواسطة مفوز مقبل التبيناوي

أخواني أعضاء ورواد هذا الصرح الشامخ

إليكم هذه القصيدة إمتداداً للموسميّات ولتصادفها مع ذكرى استشهاد احد أطفال الحجارة الشهيد بإذن الله (محمد الدرّه) فقد خرجَتْ بهذا الشكل:

هبّ البــَرَادْ وهيّض القلب عصفــــــــور = واشتـقـْـت لبروق الشمـــــال ورفيـــفه
وسجّـلْـت مايطري على البال بسطــــور = وش عــــاد لو مابه جديـــدٍ نضيــــــفه
يامحمّــد الدرّه صدَق وعــد (بلفــــــور) = حتى لو (اسطنبول) كـــانت حليــــــفه
لانّه يعَـرْف ان العَـرَب بس جمهــــــور = وفـّـــى بوعده واستبــــاح العفيــــــــفه
والدّرْب طـــال وكلّــه اهوال وحفـــــور = والليــل ظلمى والوســـايل كفيـــــــــفه
وكان اكتِـمل صمت الجماهير والسّــور = بـــاكر نقول (القدس) كــانت شــــريفه
مرحـــوم ياوقتٍ بالاحســان مذكـــــور = وقت الجمــايل والقلـــوب النظيـــــــفه
الطِّيْب يـِجزى طِيْب والعيب مســــتور = يوم ان اهلـْـنــــا يقسمـــون الغـــــريفه
واليوم وقت الكذب،والظلم،والــــــزّور = وقتٍ على الاجــواد طـَــوَّل خــــــريفه
الحقّ ينقص والمبـــــادي بحــــــــادور = واوجـِــس بقلبي من تواليــــــه خِيــــفه
مشكــــور يااللي صمّم الجيب مشكـور = لسُــفْن الصّحـــاري صار نِعْم الخليـــفه
زينـــات رِكْـب الكور مضى لهن دور = واليـــوم دور اللي علـــومه مطيــــــــفه
يشتاق للمشى ويصبر على الجــــــور = ويبْـعِدْك عن فـوضى المديــنه وزيــــفه
وينـوز لو دربَـه غرازات ووعــــــور = وكم مـــرّةٍ وصّــــــل وليــفٍ وليــــــفه
مع الــوَعَرْ في مشيته طيــش وغـرور = ومع السّــــهل تسمع لمشيــــه وحيــــفه
وحِنّـــا من الشّــامه ليا كتيـفة الخـــور = ليا عويرض الغــربي لحــدّ الحليــــــفه
وشمـال لين حـــدود عرعر واباالقـور = دجنـــاه لو كــــانت عليـــــنا كليـــــــفه
نقــوم للمقنـــاص مع فجّــــة النـــــور = خمســة جيـــوبٍ والحمــــوله خفيـــــفه
منقيّــــةٍ بس المعــــاميل وطيــــــــور = ولايخـــــــاوينا خطــــــاة الهديـــــــــفه
متفــــاهمينٍ والخوي دوم معـــــــذور = حتى اللغيـــــــفه بيــننا بالنّصيــــــــــفه
نهـــــارنا يمضي مداويــر وسبـــــور = والليـــل وقت امثمّنـــــــــاتٍ طريـــــفه
والله لو انّك عنــــدنا يابو منصــــــور = شهـــادة الاركــــــان يمــكن تعيـــــــفه
ياماحلا ياصـــرْت باطراف منظـــور = ربيـــع، وشعــــــاف الثريّــا مريــــــفه
والعشب زان وزيَّــن القاع بزهـــــور = و (تشــابك النّـــــوار مثــل القطيـــــــــفه)
انا اشهـــــد ان القلب دالِـه ومســـرور = معـــــذور حتى لو تركــت الوظيـــــفه
اقـــــولها والعَـــبْد مَنهي ومامـــــــور = هــذا هــــواي وكــل حــيّ ٍ بكيــــــــفه

مفوّز بن مقبل التبيناوي15/8/1426هـ

صح لسانك يامفوز



جزل وشاعر كبير




وبيض الله وجهك على هالقصيده التي لها طابع خاص



وتقبل تحياتي