الأسبوع الأول من فعالية وش فطوركم اليوم ؟ - الصفحة 2 - °~*¤®§(§ شبـــكة ويــلان العـربـيـه §)§®¤*~ˆ°

**شمــــــــوخ** · 07/10/06, (12:05 AM)

هلا بالواثقه

تسلمين الله يجبر بخاطرتس

وتراي ماأنغث بسهوله بس تحوم تسبدي على طوووول

ولاتتهربين وهاتي فطووووووورتس

.

**!الواااثقة!** · 07/10/06, (12:07 AM)

ياحليلتس ياابله شموخ

بس بصراحه فطورتس حلو وسفرتس احلى

ماشاء الله عليييييييييييييييييييك

**شمــــــــوخ** · 07/10/06, (12:11 AM)

هلا نوووته : )

حياتس الله وربي تو مانور موضوووعي

أنا طيبه طاب حالتس وش علوومتس أنتي ..؟

نووته أنا مسويه السلطه والبف باستري والمعجنات انا وخدامتي

صح انها يالله تفهم بس انا عندها وأعلمهااا

والهريس بصراحه أمي مرسلته لي << ماتعرف تكذب

والآيس كرريم مسويته أنا من بالليل

واللازانيا مصلحتها انا سهله مايبيلها شيء .!

واللقيماااااااات أنقهررت نسيتها ماحطيتها والا وربي مزينتهااا

وهذي سفرتي أنا وزوجي بس ماعندنا أحد بس علشانه يوم خميس

وأنا بالبيت مسويه أصناف كثيره والاتعالي شوفي السفره بأيام الأسبوووووع

<<< تمر وقشطه ولقيمااات وشوربه هع

وتراي مزوده كاسات وأكواب للكوفي علشان التصوير بس وترتيب السفره لأنها بالأساس كبيره علينا

.

نووووووووووووووت

حضورتس أسعدني حضري فطور الرجال يامال العافيه وصوريه قبل يدخلون للمجلس

ولاتصورينهم وش أبي بهم لاينقد علي زوجي

.

انتظررتس

**شمــــــــوخ** · 07/10/06, (12:17 AM)

هلا واثقووووووووووووووووه << منقهره منها

تسلمين ياقلبي

بس تعالي ياحلوه وشووله كل شوي ناقزه ماجبتي فطورتس

لاتقولين لي كلكم مفطررين

ترا أذبحتس

..

**سندريلا** · 07/10/06, (12:30 AM)

انا بوصيهم يصورون لتس فطورنا والله صار لي اسبوع افطر الساعه 9 ارجع من الدوام هلكانه وارقد وماقوم الا عقب الناس حتى رفيقاتي يقولون لي انتي وش مذهبتس شكوا فيني يحسبوني شيعيه

بس وعد ياشموخه اخليهم يصورونها

**شمــــــــوخ** · 07/10/06, (12:38 AM)

هلا سندريلاااا

نورتيني

دوباااااااااا تفطرين الساعه 9 ؟؟؟؟؟؟؟؟؟

حرام عليتس مايجووز أنتي صايم لازم تفطرين مع أذان المغرب لاتخالفين السنه .!!

مايجوز تأخرين الفطوور ..

أنتبهي سوسو

تصدقين أنا أجي من الدواام 2 ونص ومايمديني أصلآ أنام

سيدا للمطبخ أشووف خدامتي الرفلاااا مسويه اللي قلت لها..

ألقاها محضره بس كل شيء وأنا الباقي علي أسوي وهي تشوفني لأنها جديده ..

ولاأناام غير بعد الفطووور على العشاء كذا أخذ غفوه ساعتين وعليها للصبح

أما انام لين 9 ياكبرها عند ربي

كان تلقينه حاذفني مع الدريشه انا وسريري وفوق البيعه عفشي بعد

.

أنتظرررررررررتس سوسو بالفطوور

**حادي السهر** · 07/10/06, (05:37 AM)

/

هو انا اقدر اجيب فطوري هنيه والا بس لكن

ياوخيتي فطوركم غير شكل مو زي فطورنا

اخاف بس مفطرين بالمملكة اعرفكم يا أهل الرياض تضحكون علينـا

لا تزعلين تراني امزح .. ادري سنعه هع على قولتكـ

:

بس ياحسرتي ياحنا شوربه ونتغابش عليهااا هذي على وزن نتهاوش

شموخ تعرفين الخميعة ,, ترا هذا فطورنـا تبين اصورهـا ماعندي مانع

والله عاااد على طاولتكم بتطلع غير شكل

مروري هنــا يسعدني

كوني بخير

حادي