,’,’ تبي تعـــرف من مشـــاعر ,’,’,

[تركي صالح]

الاخت / مشاعر حالمه

صح لسانك ملالالالالالالالالالالالالايين

وعز الله أنك ماقصرتي

على هذا الرد القوي جداً جداً

والذي عانق السحاب ورقى الى أعلا مراتب الاعجاب

لجميع من قراءها ليعجب بها وبقوة شاعرتها

اللتي كتبت وأبدعت ورسمت أجمل وأقوى وأجمل

المعاني والكلمات لتجبرنا على قراءتها أكثر من مره

شاعره قويه بقوه / مشاعر حالمه

قدمت لنا هذه الرائعه بجميع مكملاتها الرائعه

لله درك على ما قدمته لنا عبر هذه القصيده

ودمتي وسلمتي

وتقبلي فائق التقدير والاحترام

[عبدالله الثابت]

المشاركة الأصلية كتبت بواسطة مشاعر حالمه

السلام عليكم ورحمة الله وبركاته ..

شاعر كبير ومشهور أشهر من نار على علم ..

أرسل لي قصيدة وفهمت مقصوده وماذا يريد ..!!

وأرسل أبيات ولكن لم أحفظ إلا بيتين لطول قصيدته..

الشاعر المجهول ..

انا تراني من رجالٍ عتيده=ماتعرف التجريح والكذب والزور
طبعي رفيع الراس دايم وليده=ماني بنا اللي لامشى يقرب السور

طبعاً أنا رديت عليه........
اقروا الأبيات وتعرفون ويعرف من هي مشاعر...

مشاعر حالمة

الشاعر اللي مرسلٍ لي قصيده =مايدري اني ماعرف ألف وادور
على جناح الطير يرسل بريده =وانا على عاده ومذهب ودستور
ماقدر اجاري قصده اللي يريده =ولاني على كيفه بماقال مجبور
حره انا ماني من اطرف عبيده =امشي على كيفي ودربي على نور
على المسنجر بالاضافه زهيده =ماحط عندي طاقم رجال طابور
بالله من عرفه وش اللي أفيده =غير الغلط من دون تفكير وشعور
لاويتشره والرسايل عديده =يقول ماترسل ولاانته بمسرور
انا عنيده اشهد اني عنيده =وابوي رباني على طيب وطهور
ماني من اللي بالتعارف سعيده =يضحك عليها النذل بالكذب والزور
انا ترى بنت الرجال الشديده =مارضى بعيش البغي والظلم والجور
عقلي براسي واخذ اللي اريده =واللي زعل ماهز شعره بهالكور
دربي شرف واحيا حياةٍ حميده =واعيش في جوٍ من الطهر مغمور
في العقل والزين وصفي فريده =لاجيت بين البيض كاني من الحور
حياي كاسيني وربي يزيده =عيبٍ علي لايمكن لطهري ابور
أبوي شيخ الجود والطيب بأيده =شيخ حكيم ويبدي الراي ويشور
وان كنت شاعر والك مده مديده=تكتب ولك بين المحبين جمهور
بتشوف اسمي صار وسط الجريدة=واصير مشهورة مثل مانت مشهور
جات الاجابه من مشاعر أكيده=فيها تقول العيب منهي ومحظور
روح ترا ماني بقربك مزيده =فارق وتلقى غيرنا وانت مستور

وسلامتكم ..

تحيتي للجميع / مشاعر حالمه

مشاعر حالمه بيض الله وجهك


وصح الله لسانك


اشهد بالله انك شاعره ومن روس عرب


وحقيقه رد يداوي كل من بكبده مرض


تقبلي تحياتي وتقديري

[مشاعر حالمه]

تركي بن صالح ...

صح بدنك بلاييين يالشيخ ..

والله هذا من طيب أصلك يالطيّب ولاهنت على الاطراء الطيّب ...لاهنت ..

تسلم والله ^__^ ..

تحيتي لك / مشاعر حالمه ..

[مشاعر حالمه]

عبدالله الثابت ...

صح بدنك يالشيخ وبيض الله وجهك وجه من يقرا ..

تسلم والله وذا من طيب أصلك يالقرم ...

وشهادتك وسام على صدر قصيدتي يالشيخ ..

وألف شكر على من قام بالتثبيت ( قعدت أدور القصيدة اثرها فوق وانا مدري ^__^ )

تحيتي لك / مشاعرحالمه ..

[اميرة الحرف]

مشاعر حالمه....... كفو بنت الرجال

دخلت لأعرف من هي مشاعر حالمه
لاهنتي يالسنافيه



خيتك عيوووف

[اميرة المشاعر]

اختي مشاعر حالمة . . .

صح الشانكِ . . .

ابيات رائعه . ..

فعلاً علمتيه مين هي مشاعر . . .

اهنيكِ على روعة صياغتكِ للقصيده . ..

دمتِ بود . . .

اختكِ \ اميرة المشاعر . . .

[مشاعر حالمه]

العيوف ...

ارحبي ارحبي ارحبي..

تسلمين والله وماعليج زود يابنت القروم ..

لاهنتي ياغناتي ع المرور ..

تحيتي لج / مشاعر حالمه ..