مرثية شيخ الشيوخ..؟

[سالم الجهبل]

المشاركة الأصلية كتبت بواسطة نواف هلال

مرثية ( شيخ الشيوخ )

الشيخ زبن بن هذال رحمه الله

ياعين لاتبكين من هـم الأهوال= وياقلب لاضاقت علي وين اوديـك
وياهاجسي نظم بالابيات موال= خل الزمن يرحم بالايام تاليك
يارب ياعالم خفيات الأعمال= يارب تستر دمع عينٍ تراعيك
عينٍ بكت من علم موت ابن هذال= عزاه يامن عين الاجواد تبكيك
مرحوم ياشيخٍ جمع شمل الابطال=يامن جميع ابياتنا ماتوفيك
لاصرت شيخ شيوخ ذربين الافعال= وش عاد من جزل المعاني يكفيك
يازبن يامزبن ضعيفين الأحوال= ياعز عين المنتخي لا انتخى فيك
يامضرب أمثال الشرف لأهل الامثال= يامن خصيمك ضاع من فعل اياديك
يبكونك أهل الطيب ياطيّب الفال= ويبكيك من يسمع من الناس طاريك
وتبكيك دمعات العذارى والاطفال=وتبكيك دنيا فاقده شوف صافيك
يرعاك رب البيت في خير منزال=عساه يجعل جنة الخلد تأويك
ويرفع مقامك عن مقامات الأنذال= لأعلى مقامٍ فيه طيبك يوديك
والموت حق ولابقى شي ينقال= ولو للمنيه فدوةٍ غير نفديك
واللي عقب ماصار يطري على البال=كلمة شرف يمكن تسرك وترضيك
والله لو ان الموت يازبن رجال= لغير نودع هامته عند رجليك

نواف هلال

---------------------------------------------


الاخ / نواف هلال


هكذا يكون الشعر والافلا


انت متميز عبرت عن مشاعر الجميع


غفر الله للشيخ زبن الهذال واسكنه فسيح جناته

[فاضي عبدالعزيز]

الشاعر نواف هلال

صح السانك عبرة عن مشاعر الجميع


بفقيد قبيلة عنزه الشيخ زبن بن محروت الهذال

رحمه الله رحمة واسعه



لاهنت

[عبدالكريم العنزي]

ياعين لاتبكين مـن هـم الأهـوال=
وياهاجسي نظـم بالابيـات مـوال=
يـارب ياعالـم خفيـات الأعمـال=
عينٍ بكت من علم موت ابن هـذال=
مرحوم ياشيخٍ جمع شمـل الابطـال=
لاصرت شيخ شيوخ ذربين الافعـال=
يازبن يامزبن ضعيفيـن الأحـوال=
يامضرب أمثال الشرف لأهل الامثال=
يبكونك أهل الطيب ياطيّـب الفـال=
وتبكيك دمعات العـذارى والاطفـال=
يرعاك رب البيت في خيـر منـزال=
ويرفع مقامك عن مقامات الأنـذال=
والموت حق ولابقـى شـي ينقـال=
واللي عقب ماصار يطري على البال=
والله لو ان الموت يازبـن رجـال=

الشاعر الكبير المبدع/ نواف هلال


صح لسانك على المرثية الراااااائعه



بالشيخ زبن بن هذال( رحمه الله )



لك كل التقدير والاحترااااام

[تركي صالح]

الشاعر /نواف هلال

لافض فوك اخي على هذه الكلمات الشعرية الرائعه

وهذا الحس الوائلي الذي صدى بنا اللى الاعالي

لرجلاً يستاهل الكثير الكثير الا وهو شيخ المشايخ (زبن بن هذال)(رحمة الله)

فلا نستطيع ان نفعل شيئاً

سوى ان نقول رحمه الله واسكنه فسيح جناته

وسلمت اخوي / نواف

وتقبل فائق التقدير والاحترام لشخصك الكريم

[نواف هلال]

أخي الأستاذ الشاعر

صالح الضويحي

والله والله والله

أني أقف أمام حرفك إحتراما ً وإعجاباً وتقديراً

ولا أملك إلا أن أشكر هذه الذائقه المميزه التي يندر وجودها

لك مني كل المحبه والإحترام يا صالح

ودمت راقياً

[نواف هلال]

أخي العزيز

حمود نايف الهذيل

أشكر متذوقك الفذ

وأشكرك على ما كتبته هنا

ولك الحب والتقدير

[نواف هلال]

الأخ الغالي

القريب من القلب

محمد المقبل

صدقني أني أفخر بمجرد مرورك

وتواجدك هذا يدفعني إلى الأمام بشكل مخيف

كم أتمنى أن أكون كما تحب يا أخي

وأتمنى أن يدوم هذا المسمى يعانق متصفحاتي

ولك التقدير والإحترام