ذي تجارب دنيتي سقتها لك بالقصيد=فضفضة شاعر بدنيا تزايد جهدها

[سعد النفج]

الله الله و كنت على أمل كبير بإكمال هذه الابيات الرائعه ..
فعلا تألقت يا عبدالرحمن ..
صح لسانك و لله درك ..

[خليف فراج الشمري]

عبدالرحمن الجابري


ليتك مسجون من زمان

لاصار تبي تطلع مثل هالرائعة


صح لسانك ملايين واعتلى شانك

[حمد الضوّي]

عبدالرحمن الجابري

صح لسانك ملايين على هذه الرائعه وليس غريب عليك الإبداع
والظاهر بنسجنك كل اسبوع حتى تتحفنا بمثل هذه الشامخه بشموخك
الف شكر لجنابك والشكر موصول لصاحب الفكره الشاعر القدير والمشرف المتميّز
الأخ الغالي سعد النفج



ودي وتقديري

[عبدالرحمن الجابري الحربي]

المشاركة الأصلية كتبت بواسطة هندي المقبل

الله الله .. واخيرا صار للسجن فوائد ..

عبدالرحمن الحربي فعلا انا اتشرف وافخر باني اول من حجز رد على هذه القصيده المميزه بكل شيء ..

كل بيت احلى من الثاني .. تسلسل رائع ومعنى جميل كلها صاغها شاعر دائما هو اجمل ..

يحق لنا ان نفخر بك ياعبدالرحمن واررفع عقالي لهذه الشامخه

صح لسانك

الغااالي أبو سيف

صح بدنك ولا أنسى وصيتك لي وهي دائما نُصب عيني ...

والشرف لي يا بعد حيي في مرورك الذي أسعدني كثيرا .. وأفتخر كثيرا بانتساااابي لهذه الشبكة ..

وكلامك وسام فخر لي وأتمنى أن أكون دائما عند حسن الظن ...

أرفع عقااالي شكرا وتقديرا لك على مرورك العطر ...

[عبدالرحمن الجابري الحربي]

المشاركة الأصلية كتبت بواسطة صالح الأسود الجعفري

عبدالرحمن الحربي

صح السانك نص رااائع
دمت بخير

مشرفنا المتميز / صالح الجعفري

صح بدنك ياغااالي ..

والأروع هو حضورك الدائم ..

لك كل الشكر والتقدير ..

[مشعل التريباني]

المشاركة الأصلية كتبت بواسطة عبدالرحمن الجابري الحربي

السلام عليكم ورحمة الله وبركاااته

هذي القصيدة أحد ثمرات سجن الشعراء ...

أتمنى أن تحوز على رضاااكم واستحسااانكم ...

...............................................

يا حمد ما دامك أجبرتني أجلس وحيد=بين جدران السجن والهبوب وبردها
ودي أراجع حسابات نفسي من جديد=وأعرف اللي هو لها واعرف اللي ضدها
لأجل أعيش اللي بقالي بهالدنيا سعيد=وارتقي يَمَّ الثريا وأباري حدها
يا حمد هذا الزمن واقف بوجهي عنيد =دنيتي ما ينعرف مزحها من جدها
اكتشفت إني بها مثل ما قالوا وحيد=الهموم اجتاحت القلب محدٍ صدها
واكتشفت إنْ طيبتي دون شدة ما تفيد=دام فيه قلوب مثل الجمال بحقدها
واكتشفت إنّ الوفا بالزمن هذا فقيد=كل ما أوفي صاحبي بالخيانة ردها
واكتشفت إنّ الوجع من ورى أحبابي يزيد=كل طعنة ياحبيب أو قريب يمدها
واكتشفت إنّ العفو ما يفيد بدون قيد=نعفي وبعض الخلايق تناقض عهدها
واكتشفت إنّ الهوى لعبة أحرار وعبيد=أبني صروح المحبة وخلّي هدها
اكتشفت ياما ياما وياما يالعضيد=الحقايق شيبت طفلةٍ في مهدها
بس تدري ياحمد هاك مني ما يفيد=النصيحة قلتها وأنت كيفك بعدها
لا تجامل البشر واضرب بيدٍّ حديد=كان تبغى راحتك فالصراحة بدها
رافق أهل الطيب والجود والراي السديد=حط يدّك يالبيب العقل في يدها
ولا تخاوي كاذب وحاسد وملعون سيد=رفقة أهل اللاش ياخوي لا بو جدها
ومن سعى لفراق عينك ترى فرقاه عيد=والضلوع العوج حذرى تبيّح سدها
ذي تجارب دنيتي سقتها لك بالقصيد=فضفضة شاعر بدنيا تزايد جهدها

تحياتي / شاعر عظيم المشاعر

قصيده رائعه جداجدا
حاولت اقتبس منها فلم استطيع وماذاك الا لجمال القصيده كامله من اول بيت الى اخر بيت صح لسانك ايها الشاعر القدير على هذه النصائح الذي لاشك انها في محلها من شخص مجرب شكرالك سجل اعجابي

[فراج زايد]

حتى ترضى صح الله لسانك


ابدعت لله درك