تقل دم حلمه

[طيف القصيد]

الزمان اللي وقف لي وعيـا لايجـود
قام يصدمني وحظي عجز لا يصدمـه
ضاع فيه اللي على لازمه ماهو شرود
والسبايب حظه اللي تعوكس ما خدمـه

ابداع شعري ليس بمستغرب على الشاعر سعود الراجي


قصيده مميزه وجميله نشكرك على اتحافنا

بما تحمله من ابداع ومعاني

كل الشكر

اغلى التحايا لقلبك

[سالم صالح]

المبدع / سعود الرااااجي

صح السانك ابيات مميزة وقمة والحقيقة رجعتنا لقصائد الاصالة ... وخصوصا قصايد التهريب ههههههههه

ابدعت وامتعت يابو فيصل لله درك

تقبل تقديري وودي

[سعود راجي الفريح]

اقتباس:
المشاركة الأصلية كتبت بواسطة خلف الغريب
صح لسانك يا ابو فيصل وعادتك الابداع ولا يهمك اللي قلبه تقل دم حلمه فالحاسد في الارض والرازق في السماء ..

بصراحة فاقدين قصايد التهريب من مدة بس انت رجعتنا لها بمقدرتك الشعرية الرائعة وكأننا نعيش مع :

يا لوف قلبي لوفة الجمس للسير..خفر السواحل سلموه الامارة
يا قنوص ما شفتوا مع الحوم لي طير..عليه نعطي للبشير البشارة
لا هو مع عتيبة ولا هو مع مطير..يذكر شمالي الجزيرة دياره

اكرر صح لسانك وشكرا لجميل حضورك..

ارحب والله يابو خالد
ايه انت قلبك خضر لساع تحب انواع الجموس هههههه

يشرفني مرورك صح بدنك

[سعود راجي الفريح]

اقتباس:
المشاركة الأصلية كتبت بواسطة حمد الضوّي
اقتباس:
المشاركة الأصلية كتبت بواسطة سعود راجي الفريح

يا وجودي وجد من طاح بسلاح الحدود=جابه الله والتعاميم عنه معممه
ارقبوا له غيبه الشمس حتى مايعود=والمنافذ عن طلوعه بقت له محكمه
اوقدوا به يوم شافوه ماامداه الصدود=الشناط مسممه والجيوب مسممه
باعها اللي يوم شافه بذل فيه الجهود=وجائزه مليون يوم انه لقاه وسلمه
ذيب جايع ما نلومه يبي يوف القصود=ما ملك بالجيب غير البطاقه وقلمه
ذيب جايع مهنته بين نقص وبين زود=وله ديايينن وكلن بحقه ملزمه
له ثلاث سنين مابين بيض وبين سود=ما ينام الليل ممشى الدجى ما ينجمه
والله اني مثل ما جاه بيحت السدود=كيف اسوي في زماني زمان العولمه
الزمان اللي وقف لي وعيا لايجود=قام يصدمني وحظي عجز لا يصدمه
ضاع فيه اللي على لازمه ماهو شرود=والسبايب حظه اللي تعوكس ما خدمه
عايش فيه العفن والمنافق والحسود=الحسود اللي قليبه تقل دم حلمه

ابو فيصل

سعود الراجي


صح لسانك مليون ولايسدون إبداع لايستغرب من شاعر
بحجم سعود الراجي ونص فوق الإشاده والإطراء سلم فكرك الراقي
أمتعتنا شعرا ً لله درك شاعرنا المميز




لك أجمل تحيه

هلااااااااااااااااااااااااا وغلا

ياالله حي ///////////// استاذي حمد الضوي
لاهنت ابو خالد صح بدنك وتشرفت بمرورك العطر
طال عمرك لاخلا ولا عدم

[سعود راجي الفريح]

اقتباس:
المشاركة الأصلية كتبت بواسطة محمد البويليد العنزي
الشاعر/سعود الراجي
صح لسانك مليون ولايسدون إبداع لايستغرب من شاعر
بحجم سعود الراجي ونص فوق الإشاده والإطراء سلم فكرك الراقي
أمتعتنا شعرا ً لله درك شاعرنا المميز

هلا محمد البويليد

تشرفنا طال عمرك
صح بدنك

[سعد النفج]

سعود الراجي ..
لا غرابه فـ إبداع و يتبعه إبداع ..
صح لسانك يا سعود حتى ترضى ..
متألق كما هي عادتك ..

[بدرفهد الجعفري]

الله الله ياسعود .. فعلا انت رجعتنا بالذاكره كثيرا بهذه الابيات

حضور دائما مميز ولايشبهه غيرك

صح لسانك