أبيات مميزة بـ رأي المتذوّق

[صالح الأسود الجعفري]

اخوي سعد النفج
مشكور ع الموضوع المميز

--------------------------------------

مات البناخي وحزني بفقـده جـلال
..........بندر عليه الحال من دون فـي دون
طاح الجبل لكن عوضنا بـه جبـال
............اخـوان نـوره لا بغيتـو تعـزوون

للشاعر/ بندر السديري

[صالح الأسود الجعفري]

مطنوخـةٍ ماشاقهـا راع الاطمـاع
........مقرود حظـي جابهـا و قهرتنـي
فارقتها واقفيت واخفيـت الاوجـاع
........لكن حقيقـه فـي منامـي لفتنـي

للشاعر/ محمد دعسان

[صبيح العوض]

وعرفت ان الصديق اللي وقف في حزت الضيقات

وعـرفــت ان الـكــلام الـزيــن هـــو مـنـبــع عـلاقـاتــي

وعـرفــت ان الاخـــوه عـــزوه وعـــز بـكــلا الــحــالات

وعـرفــت ارضـائــي لامـــي وابـويــه مـــن سـعـاداتــي

وعـرفـت ان الفـلـوس تغـيـر نـفـوس البـشـر حـــزات

وعـرفــت ان الـبـشـر اصـنــاف واشـكــالا" وعــاداتــي

الشاعر تركي بن صالح الجعفري

[صالح الأسود الجعفري]

حـكـــامنـا فخـر الـوطـن يـوم الأكـوان ==== حـريبهـــــــم منـــه أحمــر الدم ســايل
والمـملـكه ماهــــي مثـل كل الأوطــان ==== والفـعل واضــــح عــن جمـيع الدلايل
حــكامـــنـا آل ســعـود في كل ميــدان ==== أهــل السـيــوف مطوعـين الأصـايل



للشاعر/ محمد البويليد

[حمد الضوّي]

الشاعر القدير والمشرف المميز

سعد النفج

أنت دائما ماتقدم إلا كل مفيد لاهنت على هذا الموضوع المميز حقيقة ً

حاسد ومتملق وكاذب وناحت=من سبّنا منهم كأنه مدحنا
ياما تحدتنا البحور وتناحت=لكن تحدينا البحور وسبحنا
بعض المراكب باول الموج راحت=وحنا تعدينا المضيق ونجحنا

للشاعر الكبير والأديب/ خلف الغريب

[حمد الضوّي]

ومادام ما للصراحه سوق وسط الفريق=تلقى رياح التفرق فيه متحدّيه
ياوين ابالقى مع العالم صدوق ٍ صديق=مايذبح الرفقه ويطلبك دفع الدّيه
مثل الذهب يسلب أنظار البشر بالبريق=لو تدفنه ماتجيك اطرافه مصدّيه

للشاعر / خـــلـــف الــغــــريــــــب

[اسيرة الزمن]

ما فيه واحد من جروح البشر سالم ..
لكن أنا لي مع جروح البشر سيره ..
سعــــد النفـــــج