مجاراة شعرية / من نزف الشعراء

[حمد الخمعلي]

اقتباس:
المشاركة الأصلية كتبت بواسطة غموض الشمال

تدري فراقك غصب والبعد جبري=واني بحبك ياغلا الروح غارق
هذا قدرنا ولابقى غير صبري=على القدر يومه حكم بالمفارق

مريت من صوبك مسافر وعبري=اخيل مزنٍ يجذب العين بارق
ولديت لك كني مناظر لقبري=أثريك لقلوب المحبين سارق

[حمد الخمعلي]

لولا الظما ماكنت محتاج للماا=ولولا السهر ماكنت محتاج للنوم
ولولا الغلا ماجيت ساري بظلماا=لجلك ونا ادري منك يالزين محروم

[ناجي الخمشي]

اقتباس:
المشاركة الأصلية كتبت بواسطة حمد الخمعلي

لولا الظما ماكنت محتاج للماا=ولولا السهر ماكنت محتاج للنوم
ولولا الغلا ماجيت ساري بظلماا=لجلك ونا ادري منك يالزين محروم

لولا غلا طيفك مامريت حلماا=مكان في صدري هواجيس وحلوم
غلاك وصلني على ديار سلماا=الله ياني فيك مغرم ومظلوم

[ناجي الخمشي]

ان قلتلك مسؤل ماني بسؤل =يالله ياعل العواقب سليمه

مورق نما عرقٍ نبت صفح غرمول=الحظ مقفي والليالي مقيمه

[غموض الشمال]

اقتباس:
المشاركة الأصلية كتبت بواسطة ناجي الخمشي

ان قلتلك مسؤل ماني بسؤل =يالله ياعل العواقب سليمه

مورق نما عرقٍ نبت صفح غرمول=الحظ مقفي والليالي مقيمه

طريقنا نمشيه مبهم ومجهول=واللي مقدر ربنا هو عليمه
ومن وكل امره للولي همه يزول=دنياك تحتاج الصبر والعزيمه

[غموض الشمال]

اقبل علينا الصيف وقت السفر حان=وبدت معاه ايامي السود تحلا
لارض الشمال اللي له القلب شفقان=تطرب به النفس الحزينه وتسلا

[شوق العنزي]

اقتباس:
المشاركة الأصلية كتبت بواسطة غموض الشمال

اقبل علينا الصيف وقت السفر حان=وبدت معاه ايامي السود تحلا
لارض الشمال اللي له القلب شفقان=تطرب به النفس الحزينه وتسلا

.

بيتك واهلك والشوارع والاركان=واصواتنا في جيتك حيل تعلا
ترحيب للي لالفت كل شي زان=وتزهر اراضينا وتصبح بك احلا

//