"كـــــثر الغموض.. اللي سكني وضوحــــــــــــي"

[غموض الشمال]

لاتنصحون القلب عنه وتنهون
..............نفسٍ تملكها الهوى واخضعتله



لاتعذلوني عن غلاه وتعنون
...............مشاعري غصبٍ عليه عنتله



كانه خطأ ياكثر مالناس يخطون
...............ومن قالي حبه خطأ ما لتفتله



ما طيع ماسمع لوبنصحي تمادون
................بالحيل معجبني وانا جايزتله



ياعاذليني لو عن الحب تدرون
...............مالمتوا اللي بالغلا مخلصتله



حبه بدمي له عروقي يضخون
...............احيا عروقٍ هالكه وادمنت له



اغليه واحبه ويفداه هالكون
...........ويفداه قلب اللي وفت واخلصتله



يسوى جميع اللي بهالكون يمشون
..............كل المشاعر نالها وانتمت له



مسلاه لو هرج القفى عنه تسلون
..............من قال ابسلا نيته سولت له



منساه لو امي وابوي يتبرون
..........من قبلهم روحي تبرت وجت له

[غموض الشمال]

همسه:

ليه تتركني على هامش حياتك=وانت تدري صرتي كل الحياه
منشغل عني ولاهي بمنياتك=وانا قلبي يعتبرك اغلا مناه

[غموض الشمال]

يالله في ساعة إجابه دعيتك
..............ياخالقي انت اعلم بسر ضيقي
دنياي لا ضاقت عليه رجيتك
..............اكتب لي الخيره ونور طريقي

[غموض الشمال]

من خلقتي ليه مع العز منهاج=اصبر على مر الليال الشدادي
سري حفظته والمحاني له سياج=عن كل من حرف كلامي وزادي
والمقفي اللي دربه اليوم منعاج=اللي حرم عيني لذيذ الرقادي
يبشر بعدن ما يسبب له ازعاج=نفسي عزيزه والغلا له مبادي
بنساه لو اني له اليوم محتاج=من صد عني مالتفت له وانادي

[غموض الشمال]

عفوآ انا ناسيك وش ذكرك بي=احرقت مع ماض الشقا ذكرياتك
صحيفة سودا طواها الزمن طي=دفنتها تحت الثرا مع رفاتك

[غموض الشمال]

قل اهتمامك وانت كل اهتمامي
...........................مدري من اللي عاف من وديده

تبخل علي يا غايتي بالسلامي
...........................وان جيت ولا رحت ماني فقيده

ان عفتني ماجاك من ملامي
..........................قلبك وحرن من سكن في وريده

جيتك ضمى واليوم بالحيل ضامي
.........................حبك سرااااااابٍ يتعب اللي يريده

جيتك رفيعة راس وشوف انهزامي
.......................لامـعك اكون.. ولابدونك سعيده..!

[غموض الشمال]

جيت تستعطف ولاعذارك تنوه=يابرودك كيف لك عينن قويه
جرحك اللي خابره ماطاب توه=المشاعر وقفت دونك حميه
ابتعد ما اريد انا الحب المشوه=عافتك نفسي ولا لك مقدريه
انسني واللي تبيه اليوم سوه=مارضيت الذل واحكامك عليه