جرعة السم - الصفحة 2 - °~*¤®§(§ شبـــكة ويــلان العـربـيـه §)§®¤*~ˆ°

**أبو غرام** · 09/02/10, (03:08 AM)

اقتباس:

المشاركة الأصلية كتبت بواسطة مشاري بن فالح

البارحـه ياكبـر جـرحٍ المـه
بين المحاني واهجه ذوّب الصـم
قطّع معاليقي مـن اوزار زمّـه
ياليت صدري ماتزهلّـه الـزم

:

:

الراقي دائما / ابو غرام

لله درك يالقرم على النص الرائع

صح لسانك مليااااار
واعتلا شاااااانك

والله يعطيك العافيه
ودام نبض قلبك وقلمك
شكرا لك

:
:

راعي اكحلا

:
:

الغالي والشاعر المبدع مشاري
صح بدنك
والف الف شكر لك ولمرورك الجميل
واعلم بان مجرد حضورك من هنا فخر لي يابن العم
اخوك
ابو غرام

**أبو غرام** · 09/02/10, (03:10 AM)

اقتباس:

المشاركة الأصلية كتبت بواسطة محمد الراجح

السـلام عليكـم

ابوغـــــرام / بكل صراحة ابدعت

وصح لسانك وبيض الله وجهك جميل هذا النص

وجميل تعليقك على ( طعنـات العـدو ) وفرصة سعيدة أخوي ( ابوغرام )

لك مني كل الأحترام

محمد الراجح ,,

الغالي والشاعر الكبير محمد الراجح

الف الف شكر لك وصح بدنك
سررت وتشرفت بمرورك من هنا

اخوك ابو غرام

**بدر الخلاوي** · 09/02/10, (04:08 AM)

الغااااالي ابو غرااااام الحمدلله على السلامه
بعد الغيبه
واذا كان كل ماغبت بتجيب لنا قصيده مثل
هذي حاول تغيب من بكره
(لاتصدق)
ابو غراااااام صح لسااااانك صح
لساااانك صح لسااانك
تحيااتي لك ....

**أبو غرام** · 09/02/10, (01:19 PM)

اقتباس:

المشاركة الأصلية كتبت بواسطة البدر

ابو غرام

انت من النكهات الاساسيه لهذا المنتدى لاعاد تغيب مره ثانيه

ولازم كل شوي تمتعنا بالجديد الجميل

مثل هذه المتوشحه بالجمال

ابشر يا طال عمرك .. والله يجملني بعينك يالغالي

مرورك اخي البدر بحد ذاته وسام على الصدر اعتز وافخر به

لله درك اخي كم اثلج صدري مرورك العذب

**هيـاا العـازمـي** · 09/02/10, (03:47 PM)

اقتباس:

المشاركة الأصلية كتبت بواسطة ابو غرام

السلام عليكم ورحمة الله وبركاته .. مصافحة أولى
اطرحها بينكم أحبتي في الله
في هذا الصرح الشامخ بعد طول إنقطاع ..
علها ترتقي لمسامعكم وتعجب الذائقة العطرة لديكم

عمر الهنا ماعاش في ظل سمه=دايم يعاني من خفا جرعة السم
هذي الحقيقه يوم تاتي مطمه=حرّه عميقٍ نشّف العين والفم
السم ظامي خافقي غصب ضمه=وش عاد ينفع خافقٍ للظمى ضم؟
اللي رضع من عاني الوقت همه=يموت مايروى من ملاهد الهم
لو للزمن قلب وضميرٍ وذمه=ماصلني في صافي الجور والغم
البارحه ياكبر جرحٍ المه=بين المحاني واهجه ذوّب الصم
قطّع معاليقي من اوزار زمّه=ياليت صدري ماتزهلّه الزم
كبير واكبر من مسيله وجمه=قدام عيني فايقٍ عالي الجم
حاولت اداري شين وجهه وغمه=واستر مضاريبه على سترة الكم
جاني كذا ماوالله اقبلت يمه=الله حسيبه كيف طاولبي اليم
ياليت جرحي ينتثر منه دمه=مار البلا جرحي فلا ينزف الدم
عجزت ابيّن ما بقلبي واذمه=وازريت أكابر دون ماقول به ذم
وياوقت قلي وش جراله وخمه=اودعني الجمره وانا صابر لكم ؟
تعبت من قولة بسيطه وغمه=سحابته تمطر من الغث مالم
وش عاد لو قالوا تراك ابن عمه=الموت نوباتٍ يجي من ضنا العم
ولو للزمن عزه وشيمه وهمه=يضفني عن صافي الجور والغم
كتبتها من دون تحديد دمه=ليلة شجن رقت بها فورة الدم

وسلامتكم

.
.

وعليكَ السلام ورحمة الله وبركاته

ولله درك

الحق إنكَ أسقيّـتَ الذائقة بهذه الباذخة

أبيات من الوجدان بمعاني ومفردات متزنة

والإبداع في الإسترسال المصحوب بالجزالة في وصف الحالة

ا

.
.

عز الله إنك متميز ومميز بوغرام وهذا ما تعودناه منك

أُجدد متابعتي وإعجابي شاعري بإلهام الشعر لديك

ويصح لسانك وبوحك وفكرك وكلك مدد بلا عدد

وسلامت كلك من كل جرح وبأس

تقديري

هيــــااااا

**هندي المقبل** · 09/02/10, (09:10 PM)

الشاعر المميز ابو غرام

صح لسانك على هذه القصيده المميزه

قصيده كفيله بعذر الغياب

شكرا لك وصح لسانك

**أبو غرام** · 10/02/10, (12:58 AM)

اقتباس:

المشاركة الأصلية كتبت بواسطة سالم العنزي

العضو المحبوب والجميل

والشاعر المميز : ابو غـــــــرام

نص رائع مثل روعتك

صح لسانك

العزيز والغالي والاروع
اخي المميز سالم العنزي
صح كلك على جميل حديثك
ومجرد حضورك يابن العم وسام على صدر اعتز به

اخوك ابو غرام