استبشري يا حدود المملكه بالأمير

[نافع عيد الجديد]

المشاركة الأصلية كتبت بواسطة سعد النفج

.

استبشري يا حدود المملكه بالأمير=من بعد رحله علاجيه طويلة مدا
من يوم جتنا البشاره من لسان البشير=و حنا نشوف الفرح و الضحك توّه بدا
يا سيدي في رجوعك فرحة الناس غير=و شلون و الضحك في غيبة سموّك غدا
و الله لو كان بيدينا علاج ٍ يصير = ارواحنا يا ولي العهد دونك فدا
لكنّ فضل الله اكبر من سوات الفقير= اللي ذراعه ضعيفه .. ما لحقها ردا
الحمد لله دام الصبر يقفاه خير =غصن الفرح ما يبس و الصبر قطرة ندا
و اليوم حضن الوطن يفرش بدربك حرير=يضمك من الغياب اللي بقسوه عدا
يا سيدي مرحبا بك من لسان و ضمير= ترحيبة في ضلوعي و القصايد صدا
في رجعتك يا كبر فرحة صغير و كبير= من جيت لأرض الوطن ثوب الفرح يرتدا
ياراعي الخير و الوجه السفير المنير=طير القصايد من الافراح طار و شدا
هذا اختصار الشعور اللي بصدري يحير=من بعد رحله علاجيه طويلة مدا

درد من اول بيت لاخر بيت
صح لسانك حتى الرضاء
اسجل اعجابي في كل ماتكتب من شعر لله درك
تقبل مروري وتقديري

[سالم العنزي]

ما اجمل الشعر ياسعد حينما تكتبه

ابيات جميله صح لسانك

[عاشق المعالي]

الشاعر الكبير سعد النفج


صح لسانك على ماكتبت ورتبت من ابيات مليئه بالاحساس الوطني والشعور الصادق

[تركي علي الخالدي]

الشاعر القدير / سعد النفج

اسمح لي بتسجيل اعجابي الشديد بهذا النص الشعري الجميل

صح لسانك

[هندي المقبل]

شاعرنا الجميل : سعد النفج

لا املك الا ان اقف احتراما لهذا النص الجميل

شكرا لك وصح لسانك وتقبل اعجابي الكبير