تـــاج الـمـجــد

[سعد النفج]

الشاعر الرائع / منصور الجلعود

صح لسانك ..

نص وطني اعتلا قمة الشعر ..

جزاله و قوة مفرده و تسلسل مميز ..

لك التقدير على نصوصك المبدعه ..

[نافع عيد الجديد]

الشاعر القدير والغالي منصور الجلعود
صح السانك نص وطني شامخ
صور شعريه وقوه بالمفرده في شخص غالي على الجميع انه ابوتركي مؤسس هذه البلاد الكريمه التي ينعم بها الجميع
نعم يستاهل ابو تركي وصدقت حينما قلت
يقول ابن جلعود للمجد عنوان
وعنوان تاج المجد صقر الجزيره
عبد العزيز الوايلي نسل عدنان
سطّام عيلات الليال العسيره
يوم انتخا بنوره وصوت بليهان
ردوا عليه أهل السيوف الشطيره
قالوا له آمر قال ضاري وعطشان
كبدي على نجد المكارم مريره
قالوا له أبشر ياسلايل كحيلان
حنا معك بالطايله والقصيره
قال البسوا لعيونها بيض الأكفان
(يالله عسا ماتكره النفس خيره)
رحم الله الملك عبدالعزير برحمته الواسعه
نعم حفظ الله لنا قادتنا وامننا انه سميع مجيب

والحمدلله ننعم اليوم بايمان
وأمن ٍ على الأرواح في كل ديره
ياجعل أبو تركي بروح ٍ وريحان
في جنة الفردوس ربي يجيره
وصلوا على المختار ماكوكب ٍ بان
واعداد سوقات المزون الغزيره

منصور الجلعود شاعر وشهادتي فيك مجروحه والى الامام انشاء الله

تقبل احترامي وتقديري

[عبدالعزيز السعود]

منصور الجلعود


صح لسانك ..



قصيده مميزه

[أبو غرام]

سروا معه للموت ذربين الأيمان
من فوق عيس ٍ بالفيافي خبيره
سروا معه في سكت الموت شجعان
لعيون بنت المجد شدوا المسيره


=


صح لسانك يابن جلعود

قصيدة وطنيه وتتبع لمسيرة الملك عبدالعزيز في توحيده للملكه

صح لسانك حتى ترضى

تقبل مروري من هنا وتسجيل اعجابي

بفكرك الجميل

[حمد الخمعلي]

الاخ الشاعر منصور الجلعود0


سلمت وسلم هذا الابداعه الذي لا يستغرب على امثالك0


صح قلبك يالغلي0


تحياتي

[ماجد الغانم]

الغاااااااااااالي

منصور الجلعود

صح لساااانك ...ولاهنت

رائع بهذا الحضور الجزل

بيض الله وجهك ...

دمت بكل خير ...ودام هذا التميز

تقبل خالص تجياااااااتي

[صالح الجطيلي]

المشاركة الأصلية كتبت بواسطة منصور الجلعود

بسم الله الرحمن الرحيم
السلام عليكم ورحمة الله وبركاته
بسم الله والحمدلله والصلاة والسلام على رسول الله صلى الله عليه وسلم
أما بعد:

يقول ابن جلعود للمجد عنوان=وعنوان تاج المجد صقر الجزيره
عبد العزيز الوايلي نسل عدنان=سطّام عيلات الليال العسيره
يوم انتخا بنوره وصوت بليهان=ردوا عليه أهل السيوف الشطيره
قالوا له آمر قال ضاري وعطشان=كبدي على نجد المكارم مريره
قالوا له أبشر ياسلايل كحيلان=حنا معك بالطايله والقصيره
قال البسوا لعيونها بيض الأكفان=(يالله عسا ماتكره النفس خيره)
سروا معه للموت ذربين الأيمان=من فوق عيس ٍ بالفيافي خبيره
سروا معه في سكت الموت شجعان=لعيون بنت المجد شدوا المسيره
سروا معه لاما فتحوا قصر عجلان=ونادوا بأن الأمر رد لأميره
نادوا بأن الحكم سنه وقرآن=في حكم أبو تركي زبون المغيره
نادوا بأن القتل والظلم طغيان=وان الصغيره بالمظالم كبيره
نادوا بأن الناس في حكمه اخوان=مسلم سعودي ولاتهون العشيره
من حد عرعر حدها لين نجران=ومن الخليج لبحر جده يديره
أدارها صقر الجزيره بميزان=لاما اعتلت فوق النجوم المغيره
والحمدلله ننعم اليوم بايمان=وأمن ٍ على الأرواح في كل ديره
ياجعل أبو تركي بروح ٍ وريحان=في جنة الفردوس ربي يجيره
وصلوا على المختار ماكوكب ٍ بان=واعداد سوقات المزون الغزيره

منصـــــور الجلعـــــــود

شاعر رائـــع وهذه القصيـــــده من احدى الروائــع

منصور صح لسانك ودمت بهــذا الابداع

لاهنت ودمت بخير