شوشة فكر..قصيدة مدح

[سليمان الجعفري]

هلا وغلا بشاعرنا القادم

الاخ العزيز / ابو غرام

صح لسانك قصيده جزله ويستاهلون الممدوحون

الله يعطيك الف عافيه لاهنت ياالذيب

تقبل تحياتي واحترامي

[عاشق المشتاق]

المشاركة الأصلية كتبت بواسطة ابو غرام

بسم الله الرحمن الرحيم

اسعد الله اوقاتكم اخواني وزملائي اعضاء شبكة ويلان الموقره

وآمل ان تقرأوا ماسطرته ها هنا من شوشة فكر في اناس ارى انهم يستحقون الثناء والمدح

انا لا ارى نفسي شاعرا ولا حتى قصادا ولكن مجتهدا رأى من اصحابه ما اعجبه فكتب بهم ماجادت به قريحته

هي القصيدة الاولى التي انزلها ها هنا

ولعل للحياء وكبر وعظم الاسماء الشعريه اللامعه هنا دور في تمنعي من الكتابة ...حياءً منهم وتقديرا لهم

الا ان الامر الذي حدث معي ومن قِـبل اناس اعتز بمعرفتهم وبخوتهم هي ماجعلني اكتب اليوم

واسمحوا لي ان بدى مني تقصير ... ولكن للموقف اثرُُ اوجب علي الكتابه

الاخوان طيبي الذكر هم :
خالد ابن مجول ابن عايد البجيدي العنزي

ماجد ابن غانم ابن هياف الجعفري العنزي

سالم ابن صالح ابن سالم الجعفري العنزي

هؤلاء درر وكنوز تكتنز والكنز الحقيقي ليس المال بل الكنز الحقيقي هو رصيدك من الرجال الطيبه ومعرفتك الطيبة بهم

يقول الشاعر : المال يفنى والنشامى تجيبه

وهو مصداق لما قلته سابقاً..... ولما ارتكزت عليه

عموماً ... وعذراً للإطاله


اترككم مع مافاحت به القريحه وعسى ان نكون وفقنا بما كتبناه :

شاش الفكر والقاف من شوشتي شاش=فاض وتزبد وانحدر من مسيله
اروى قوافل وافقت وبل ورشاش=تارد بحور الشعر تنهل جزيله
اكتب عن الهقوات كيف الغثا راش=واسرد حقايق كاشفه للهميله
هبيتي ياصحبة ردى دربها ماش=بانت بواين جهلها من رزيله
جذره عميق وزادها النبت بخشاش=ماتنتهض مادام روحه قتيله
ترضى تعيش العمر واسمه مع اللاش=من ضيعته عيت تسوي جميله
كل الفعايل عندها نقص واقراش=في سلمها بالطيب محدن يجيله
ودك تركه بالخفا داخل خياش=ترمي بها عرض البحر مع طويله
دام الشجر مايل وسيقانه هشاش=مابه ثمر وان قلت مابه ظليله
جث الجذور اوفق من مقابل اكداش=والغرس حرثه يجلب اللي تخيله
وشاش الفكر والقاف من شوشتي شاش=هاض وتزبد وانتثر من مسيله
من صحبتن شاشت وشوّش لها الجاش=عند اللقا تسوى ربوع وقبيله
حياكِ ياخوة غلا نهجها عاش=على النقا والطيب دايم حصيله
تاقف مواقف ثابته مابها غشاش=عكس الجموع اللي تبور بعميله
ثله ولكن عن طوابير واجياش=صملاتها تبري الجروح العليله
اولهم اللي جاشه ابيض من الشاش=عند اللقا بالحق يوفي قبيله
والثاني اللي مدته ماهي طشاش=يكفيك لوهي ظاهره من قليله
والثالث اللي ماهو نجسٍ ونباش=يفرض عليك الود قدره تشيله
الكل منهم ماخذن طيبه وحاش=مع الكرم والجود يمنى صهيله
والكل منهم لا لفى ميل وغباش=ينزل بكتفه للحمول الثقيله
خالد وماجد خصمهم دوم منداش= وسالم معاهم بالفعل مانزيله
متكاملين(ن) دون تفنيد ونقاش=حازوا على الطولات من دون ميله
هذي حقيقة ماوصل قلبي وناش= من صحبةٍ شافت بصدري نثيله
ظللتهم مار الردي فض وانحاش=عند اختباره صار قلبه دليله
ذل وتخبى مارفع راسه وهاش=محدن بقى ياكود نسل الاصيله
فيهم كتبت الشعر تقدير وانعاش=للرفقة اللي مانمت بالهزيله
ومنهم فرقت الطيب عن شلة ادباش=عاشت حياته ظاريه لـ الذليله
وختامها صلوا عدد خفقة الجاش= على النبي هادي البشر للفضيله

وسلامتكم ..



ونسأل الله ان نكون وفقنا بمدح الاخوان ولو بالقليل

هذا اجتهادنا وهذا مااستطعنا عليه ..فإن اصبنا فلله الحمد وإن قصّرنا فمنكم ومنهم السماح

دمتم بود

صح السانك مليون يابو غرام

الطيب ماهو غريب عليك وعليم

اولاد وائل


وانت دايم شايش

قول وفعل

تحياتي لك و للجميع

[شمــــــــوخ]

مكثت هنا بضع دقائق

وعدتُ من جديد..

وكانت طعم الحروف مختلفه !

أن كآنت بدايةً لك بحق .! فما أجملها من بداية متمكنه ..

أبوغرام كنت هنا أكثر مبدع

لك ود لآيبـــــور ..~



شمــــــــوخ

[حمد الخمعلي]

الاخ ابو غـــرام



لا يسعني الا ان اقول سلمت وسلم قلبك0



انت تستاهل وهم يفعلون0


دمت ســـالماً

[نافع عيد الجديد]

ابو غرام

صح لسانك قصيده جزله ويستاهلون الممدوحون


لا يسعني الا ان اقول سلمت وسلم قلبك0


الله يعطيك الف عافيه لاهنت ياالذيب

تقبل تحياتي واحترامي



تقبل تحياتي

[جبار بن عابر]

شاش الفكر والقاف من شوشتي شاش
فـاض وتزبـد وانحـدر مـن مسيلـه

صـــح لسانك اخي ابو غرام

ولا يستغرب الطيب من اهله , والربع يستاهلون حسب مانسمع عنهم كل علم ٍ غانم .

وتحيه لك لشوشتك والذي ششنا منها ومعها ,ووالله يابو غرام ياراسن مايشوش للطيب مافيه خير

تقبل جل الاحترام وبيض الله وجهك .

[صالح الضويحي]

اهلا وسهلا ابو غرام



مدحت من يستحقون المدح وانت وافي ولايستغرب عليك الوفاء

وبما ان لديك هذا الشِعر سـ نطالبك بالمزيد وننتظر كل جديد

سلمت ودمت

كل التقدير والاحترام