خلف غريب والقرار الاخير

[تركي صالح]

تعال يابن غريب عنك علـم خطيـر
-------------قالوا لي اليوم ماداومت بالمدرسـة
امر ٍ صدر ياعسى بالامر خيره وخير
-------------حذرا تاخر ليا الطابور دق جرسـه

صح لسانك ياكاتب الجعفري

وبأنتظار ابو خالد

ومتابعيييييييييييييييييين للمحاوره

[كاتب الجعفري]

سعوط المجانين
صح بدنك والله الله بالصف


يزن علا
لاهنت على المرور


تركي صالح
صح بدنك وشرفنا مرورك

[خلف الغريب]

المشاركة الأصلية كتبت بواسطة كاتب الجعفري

ياسلام الله سلام ٍ رفيع المستوى=عقب انا وياك صرنا بنفس المستوى
شي متساوي وشي ٍ يطول ماستوى=والثنا والشكر لله رب العالمين

تعال يابن غريب عنك علم خطير= قالوا لي اليوم ماداومت بالمدرسة
امر ٍ صدر ياعسى بالامر خيره وخير= حذرا تاخر ليا الطابور دق جرسه

يا هلا بك اخوي العزيز كاتب واعتذر عن التأخر واشكر كل من مر هنا بدون تخصيص واتشرف بحضورهم ..

مرحبا ترحيبة سوق طيب وريح عود=واحمد الله ما غدا من حقوقي قدر عود
الله اكبر خلوا الورع كنه قدر عود=والثنا والشكر لله رب العالمين

ما كنك الا مديري او وكيل المدير=يومك على الباب كنك واحد من حرسه
الله لا يجزا بخير اللي تنصب وزير=عن بعض تصريح ليت المستعان اخرسه

[سلامة الجعفري]

الله اكبر خلو الورع كنه قدر عود هههههه

متابعين ياخلف ومحاورة ممتعه باذن الله

[كاتب الجعفري]

يالمرحب يالمرحب عسى فيك البقا= مار يابو حق كم جاك منه وكم بقى
عود يبغى يبلش الناس هذا اللي بقى= والثناء والشكر لله رب العالمين

اد الامانه مادام ان انت عود كبير= اثرك من اللي على التفليت متمرسه
عود بليهان يرغى عقب ذاك الهدير=والله يكافي من اهل الشر والغطرسه

[خلف الغريب]

المشاركة الأصلية كتبت بواسطة كاتب الجعفري

يالمرحب يالمرحب عسى فيك البقا= مار يابو حق كم جاك منه وكم بقى
عود يبغى يبلش الناس هذا اللي بقى= والثناء والشكر لله رب العالمين

اد الامانه مادام ان انت عود كبير= اثرك من اللي على التفليت متمرسه
عود بليهان يرغى عقب ذاك الهدير=والله يكافي من اهل الشر والغطرسه

استلم يا كاتب وصح لسانك واشكر كل من شرفنا بالحضور :

البلا يوم ابتلانا الحميدي و العبيد=ياالله انك تكفي الناس من شر العبيد
وضعنا يبغى الملك ما يبي زيد وعبيد=والثنا والشكر لله رب العالمين

ماني على عيوب خلق الله موظف خفير= من ما حرس روحه من الشر من يحرسه
يالله تلطف بنا وانت اللطيف الخبير=من يوم سرحان خاف ان الغنم تفرسه

[كاتب الجعفري]

القضيه واضحه منصبه في منصبه= يالله ان اللي نوى البوق يترك منصبه
الوزارة ودها فعل ماهي منصبه =والثنا والشكر لله رب العالمين

العبد يجني ثمن فعله بشرٍ وخير=والتمر يجنيه يارجال من يغرسه
الوقت هذا ردي الساس يزأر زئير= يامشرس البس هذا الوقت يامشرسه