يامعلمين المملكة تباشروا باخر قرار

[ماجد الغانم]

الغاااالي

سلامة الجعفري

صح لساانك ...ولاهنت

قصيدة في الصميم

الله يعطي ملكنا العافية وما قصر
ورايته بيضا
...
.

يامعلميـن المملكـه تباشـروا بآخـر قـرار
اخر قرار ماصدر حتى صـدر عـن مكرمـه
المستوى الثاني حجز اوكيه عقـب الانتظـار
واقلع بلا إياب .. لاترجـون ساعـة مقدمـه
انتم على الخامس ومن جاء بعدكم نفس المسار
مبروك مع غض النظر عن بعض امور ٍ مبهمه
يعني لوفروق السنين الماضيه راحـت جهـار
او صار والراتب رجع كمّ درجـه فـي سلمـه
عادي ترى هالأمر مايؤخـذ بعيـن الاعتبـار
والرجل في قول المثـل لاجـاه شـي ٍ يغنمـه
صحيح ابوخدمة سنه {ماهو حسد والا احتقار }
يصير مثل اللي خدم خمـس سنـوات متممـه
لكن هنا نلحظ جوانب للبنـا .. خـل الدمـار
اصلا خطانا نلتفـت نحـو الامـور المظلمـه
....
.
.

بيض الله وجهك ..والله يعوضنا خير
وبإذن الله سيعاد النظر ببعض الأمور
دمت بكل خير ...وداام هذا الحضور

تقبل خالص تحياااااتي

[هبوب العنزي]

وابشرترى يبقى معك خمسه وهذي باختصـار
عطها تلاميـذك وقـل هـذي تراهـا مكرمـه

صح لسانك شاعرنا القدير سلامه الجعفري

ياسلام على هالقصيده الساخره التى تحمل في طياتها عتب وملامه وهذا النوع من القصائد

ممتاز لان من اساليب التعبير وابداء الرئي الردود الساخره او القصائد المبطنه بهدف ..

بإنتظار المزيد ولاهنت...

هبوووب<<تلتفت لاحد يشوفها وتقول وش بعد تبون يالمدرسين رواتب واجازه

جت على الخمسه احمدوا الله شوفوا الموظف ماكول مذموم

هبوووب<<ماقالت شي سح

[سلامة الجعفري]

المشاركة الأصلية كتبت بواسطة سالم صالح

حجز اوكيه للاقلاع معاك ياسلامة

صح السانك تصوير رائع للوضع الحالي لوانه ماهو مرضينا بس الشكوى لله وحسبي الله ونعم الوكيل


صحيح ابو خدمة سنة (ماهوحقد والااحتقار)--يصير مثل الى خدم خمسة سنين متممه

هذا هو بلا ابوك ياعقاب يعني صغرونا الله يجزاهم كل خير

المهم انت مبدع ورائع شعراً وخلقاً والتفائل طيب الله يرزقنا الجنة


تقبل تقديري واعجابي بابداعك الفاتن

صح بدنك ياسالم

شكرا لك على جميل ماذكرت

وانا سعيد باعجابك


والله يحق الحق


تحيتي لك وودي

[سلامة الجعفري]

المشاركة الأصلية كتبت بواسطة علي السابل

أنت شاعر عظيم ياسلامه

شكرا على هذا الطرح الفريد ..

تناول راقي لهم شريحه كبيره من المجتمع باسلوب فكاهي ومحبب ..

لكن في كل مناسبه خير يجب أن ندعو لوالدنا الذي يتلمس احتياجاتنا .

ملك المكارم الله يحفظه ويرعاه ..

وانت الله لايحرمنا روعتك يالغالي

دمت بود وخير

العظيم هو الله

واشكر لك مرورك العاطر ياعلي

والامل بخادم البيتين كبير
تحيتي وودي

[سلامة الجعفري]

المشاركة الأصلية كتبت بواسطة رابح الغضيان

الشاعر:سلامه الجعفري

صح لسانك جزل ياسلامه

قصيدة رائعه

ولكن ليش الزعل على تأخير العلاوة

فيه خريجين لم يحصلوا على التعيين ههههههههههه

امزح يالغالين

تحياتي لكم

صح بدنك يارابح واشكرك على المرور

ولكن لاضرر ولاضرار


تحيتي لك

[سلامة الجعفري]

المشاركة الأصلية كتبت بواسطة كاتب الجعفري

ابداع في ابداع ياسلامه


اخذناها وراحت عليك انت وابو خالد هههههههههههه

<<<<< مستانس ويتتريق

لكن الحقيقه ظلم كبير جدا لابد من النظر فيه


ا

شكرا لك على مرورك العاطر
والله يبعد عنا الظلم في ظل ابو متعب


تحيتي لك

[سلامة الجعفري]

المشاركة الأصلية كتبت بواسطة عايض المشعان

شاعر فحل جزل



أعجبني نصك واستمتعت بشده في قرائته


والحمد لله المستوى اللي جاناااا


وصح لسااااااااااااانك

تقبل تحياتي وتقديري

شكرا لك ياعايض

حضورك بحد ذاته يكفيني


صح بدنك

ولك الشكر والتقدير البالغ