القصــيدة ورد الشاعر \ عبدالله بن عبار

[صالح الجطيلي]

المشاركة الأصلية كتبت بواسطة السيف القادم

والله والنعم بك بك ياصالح وتستاهل ماقيل بك واكثر

والنعم في الشاعر والاديب عبدالله بن عبار

شعر لست بصدد تقييمه ولن اسمح لنفسي بذلك ابدا

فقط انا هنا لكي اسجل اعجابي بما كتبت واثبت مروري بهذه الحروف

دمت بود

السيف القادم

ماعليك زود تستاهل الطيب والله ينعم بحالك

اعجابك وتسجيل حرفك هنا وسام شرف وشهاده اعتز فيها

وشكرا لك ولاطرائك الذي غمرتني فيه .

جعلك سالم

[هيـاا العـازمـي]

المشاركة الأصلية كتبت بواسطة صالح الجطيلي

بسم الله الرحمن الرحيم

هذه القصيده كتبتها في الاخ الوفي والوافي : الشاعر والاخ | الشيخ عبدالله بن دهيمش بن عبار

عـــديت في بر خـــلا راس مــــــرجوم=وغنيت مـــن جـــزل البيـــــوت العذابي
القـــوم لا قــامت انا اقـــوم للـــقـــــوم=مــادام قـــــــومتهم تشـــــرف جنــابي
جزل القصيــــــد اللي منقـى ومحشوم =لـــــو مــا نخيتــه با اللــزوم انتخــابي
مــــــلزوم انا في مـدح الاجواد ملزوم =واعــــــدهم ذخــري وكـــامــل زهــابي
وانــتــه يابن عبار للشعــر زيـــزوم =فيك الــــــــوفا والطيب والعــــــز رابـــي
وجه الرجـــــال ومن نبا روس قروم=عيـــال وايــــــل مـــــن كهــــــول وشبابي
هم لابتــي هم تاج راسي على الدوم=وذراي لا مــــن الزمــــــــــان انتحـــــابي
هذا سلام من الجطـيــلي ومفهــــوم=لعيــــال وايـــــــــل حـــافظين الـــو جـــابي

(( صــالح الجطيـــلي ))



وهذا رد الشاعر الشيخ\ عبدالله بن دهيمش بن عبار

حــي الكتـاب اللي به القاف مــرسوم=مهديه لـــي صـــالح عزيــز الجنــابي
متفقـــده عن كــل عايز ومثلــــــوم=أعذب من السمــــن الــزلال العرابـــي
تعيـش يامـن صغت با لقـاف منظوم=سجـــــلت قــافـك يا لزميــل بكتـــابي
منطـــق فهيــم من الرجاجيل شغموم=اهديت لــه عبــر المشــاعر اعجـابي
اكتب مــرد القاف لــو كنت مزحـــوم=اخــاف من قــــولة زميــــلي كبابـــي
يامــادح اللي هابهــــم صاحب الزوم=اولاد وايـــــــل با اللقــــاء ما تهابـــي
لا جــاهم الـلي مــن دناياه متهــــوم=عــده بعيـــطا شـــــامخات الهضـــابي
اللابــه اللي با الفضـايل لها ســلـوم=مــا ينتقص من قدرهــم قـول هـــــابي
مبطــــي لهم با الطيب تاريخ وعلوم=بهــــم آتبــــاها وافتـــخــر بانتســابي

الشاعر الشيخ\ عبدالله بن دهيمش بن عبار

وسلا متكم جميعا

.
.

هلابك اخوي صالح الجطيلي

الشكر والامتنان لكَ على هذا الاتحاف

ماشاء الله تبارك الله

عز الله انك كفيت وفييت في حقه

وهو ماقصر وافي في رده

الحقيقة القصيد يفخر بكما

من بعد أن ألهبتما المشاعر بالفخر والحماسة والمديح

يصح لسانك ولسان عبدالله بن دهيمش بن عبار

ولا يهيينكم

تقديري

هيــــااااا

[ابو ياسر الهبداني]

صح السانك اخي صالح قصيده جزله وصح السان شاعر العرب ابن عبار

[صالح الجطيلي]

المشاركة الأصلية كتبت بواسطة مسعد النافل

الشاعر القدير والاخ العزيز صالح الجطيلي
صح لسانك
هم لابتي هم تاج راسي على الدوم
وذراي لامن الزمان انتحابي
هقوه على محلها
وصح لسان الشاعر العلم عبدالله العبار
وتقبل اصدق اصدق التحايا
مسعد النافل

الاخ العزيز | مسعد النافل

صح بدنك وماعليك زود

شرفني مرورك على القصيدتين

وجعلك سالم يا مسعد

اسأل الله لك التوفيق

دمت بخير

[صالح الجطيلي]

المشاركة الأصلية كتبت بواسطة بنت العبيّه

الــرائـــع صـــالــح الــجــطــيـلي........صــح لســـانـــك.وتــعـــلاشــانـــك

رديـــه رائــعـــه ومـســاجــلــه جـميـــلــه.


كــلاكــمــا يـســتــاهـــل الــطـــيب..


صــح لــســانــك ولـســان ابن عــبــار..


تـقــديري للــجـميــع..

الاخت | بنت العبيه

صح بدنك اختنا وما عليك زود وتستاهلين الطيب

شرفني مرورك على القصيدتين

اسأل الله لك التوفيق

دمت بخير

[صالح الجطيلي]

المشاركة الأصلية كتبت بواسطة ماجد الجعفري

الأخ العزيز

والشاعر القدير

صالح الجطيلي

صح لسااانك ...ولاهنت

قصيدة جزله ومساجلة رائعه قدمتها لنا

مع الشاعر الكبير والقدير عبدالله بن عبار
وصح لسانه ومهما كتبنا في الثناء لن نوفيه حقه ..

فهو شاعر فاق جميع عبارات الثناء ..

دمتم جميعاً بكل خير

تقبلوا تحيااتي

يا هلا والله بماجد

صح بدنك والله لا يهينك ومرورك هو الرائع

وشرفتني بمرورك المتواصل

اسأل الله لك التوفيق

دمت بخير

[صالح الجطيلي]

المشاركة الأصلية كتبت بواسطة تركي صالح

الشاعر المبدع / صالح الجطيلي

الله يعطيك العافيه

على هذه المساجله الرائعه

أتحفتنا بها وبجمالها وروعتها

قصائد من الوزن الثقيل بحق

صح لسانك وصح لسان الشاعر الكبير / عبدالله بن عبار

وتقبل فائق التقدير والاحترام

تركي صالح مرورك يشرفني ويشرف القصايد

صح بدنك وشهاده اعتز فيها منك اخوي

شرفني مرورك الرائع

اسأل الله لك التوفيق

دمت بخير