يامن يحاورني بفن ومهاره

[عوض الشايع]

هلا وغلا اخوي خلف السموحه والله انشغلت شوي

هلا باللي لفــى متـوشح اوزاره...=..شاعر وجابه صوت جمهوره
وقف ترى ممنوع قطع الاشاره...=...مرورنا السري بيقضبك ناطوره

[خلف الغريب]

هلا عوض والحمد لله على السلامة ..

القاف وش به طالع عن مساره=مثل الصويب اللي توالت كسوره
والرامي اللي ما يصيب الاشارة=احسن يصور مع سلاحه بصوره

[عوض الشايع]

المشاركة الأصلية كتبت بواسطة خلف الغريب

هلا عوض والحمد لله على السلامة ..

القاف وش به طالع عن مساره=مثل الصويب اللي توالت كسوره
والرامي اللي ما يصيب الاشارة=احسن يصور مع سلاحه بصوره

الآعب اللي مابلعبه مهاره=يجلس على الدكه ويخفي شعوره
والشعر ماهو كلمتين وعباره=الشعر دره غاطسه في بحوره

موعدنا اخر الليل يالذيب البس ترنق ازرق وانا ابي البس اصفر

[خلف الغريب]

المشاركة الأصلية كتبت بواسطة عوض الشايع

الآعب اللي مابلعبه مهاره=يجلس على الدكه ويخفي شعوره
والشعر ماهو كلمتين وعباره=الشعر دره غاطسه في بحوره

موعدنا اخر الليل يالذيب البس ترنق ازرق وانا ابي البس اصفر

اللعب يا لاعب يبي له شطارة = لو ان ماجد له علوم مخبورة
جاه النعيمة واخلفه عن قراره=وخلى فريق النصر يلعن حضوره

الظاهر انها صارت مباراة ..
كمل يا عوض ترانا مبسوطين..

[عوض الشايع]

ماجد بعزه كان مثل المناره=ياما زعيمك صاح من قو جوره
ياما عليكم شن غاره وغاره=كبري الموينع كان اخر عصوره

كمل بالذيب بس اتصالي زفت كل خمس دقايق يفصل

[سامي السيف]

يسلام عليكم مبدعين انا بصفك ياعوض أعط خلف القاز

وينك ياخلف ؟؟؟

[عوض الشايع]

هلا وغلا باخوي سامي
اجل ارفع الاعلام الصفراء نبي ندحم قلعه الزعيم