(...هـــدوئـئ الـمــبــعــثر...) - الصفحة 2 - °~*¤®§(§ شبـــكة ويــلان العـربـيـه §)§®¤*~ˆ°

**حمد الخمعلي** · 25/09/10, (10:24 PM)

ياغاليه وشبك مع الوقت تقسين=ونا بطول الوقت لرضااك سااعي
مادام مسكانك من العين للعين=حبل الوصل لايصير فيه انقطااعي
مدري؟ تسمعتي لهرج العذولين=ولا دعاك لهجر الاحباب دااعي

**حمد الخمعلي** · 11/10/10, (12:29 AM)

عذرك معي في كل الايام مشغول=صابر ولا أنتي شايفه كل صبري
يعني يبي يصير عذرك على طول=ولا تحرى كسرتي ونت جبري
خوفي من الواالي وشوفي لنا حلول=مل الورق من كثر دمعات حبري

**حمد الخمعلي** · 12/12/10, (12:09 AM)

ابطيت عني يالغلا بالمراسيل=ونا تحرا كل ليله رساله
قلبي عطش ونتي بقربك له السيل=ووصالك زهور الحيا بكتماله
وبعدك جفاف وعج ليل وغرابيل=غصنٍ ذبل والحر قصر ظلاله

**حمد الخمعلي** · 13/12/10, (12:54 AM)

وينك ترا طول غيابك ونا بيك=والنار بضلوعه تزايد وقدها
ماترحم اللي طامعٍ فيك شاريك=ونت لحياته0 ياحياته سعدها
لاتحسبني مع بطا الوقت ناسيك=مانساك إلا الروح تفقد جسدها

**حمد الخمعلي** · 14/12/10, (01:32 AM)

ياليتني لابغيت ألقاك يالغالي=ماروح للمنتدى وقرى كتاباتك
إليابغيتك لقيتك دايم اقبالي=وقرا بعيونك غلاي وخجل بسماتك
مير البلا بعدك اللي ذابلٍ حالي=مقدر اجيلك ولا سويبك اسواتك

**حمد الخمعلي** · 29/01/11, (01:25 AM)

ايوالله ابطيتي ونا جالس انطرك=وخايف غيابك ياغلايه يطوّل
ياملهمتني إيه أنا اليوم شاعرك=وفرض عليك اليوم حضر التجوّل

**حمد الخمعلي** · 29/01/11, (01:43 AM)

مانمت لا مانمت للحين صااحي=اسئل عيوني وش بلا النوم عنها
النوم سلطان القلوب الريااحي=ماهو لعينٍ دمعها جف منها
اقرا عيوني بالغلا ونت وااحي=نبض الخفوق اللي من اجلك رهنها
اللي صفالك ياغزال البرااحي=وكتب لك حروف الغرام وحضنها