اقتباس:
المشاركة الأصلية كتبت بواسطة ماضي الصبر
.
.
الأخوة الكرام إليكم هذه الأبيات آملين أن تحوز على رضاكم
ألـي يدور للـزعل كيـف نرضـيه=وألـي يدور للرضـا من يغيضـه
مـن خلقـة الدنيا جديده وماضيـه=على كذا قاسـيه وألا غظيظــه
أحـدً يكـدر خاطر ألـي يداريـه=وأحدً لو أنه ضاق صدره تريضـه
وأحـــدً لو أنك شلت راسه يوطيه=مـا ينتهظ مثل الرجال النهيضـه
وأحـدً يشرف باللقـاء تحتزم فيـه=وألا الردي كلن ترى يستحيظـه
والمرجلـة للـي عزومـه تهقويـه=ماهـي لمـن برده يهمـه وقيظـه
كلـن ترى عقلـه برايـه يكفيـه اللـه=يعاف أهـل النفوس المريضه
والأدمــي ربه هو ألـي يمشـيه=من يوم كوّن بين الأصلاب بيضـه
وأنـا ومثلـي ثابتاتٍ مباديـــه=مهمـا حصل بين النقـيض ونقيضه
ثابـت ولا يمكـن يهـزه ويغريـه=راع الهـدف مهما تزايـد لميضـه
فكـره دليلـه لا تحـير يقديــه=ناصع مثل شمـس الأصيل بوميضـه
من طـاب لـي حييتـه الله يحييــه=وأعشـبت له بين الصناديق فيضـه
وأسكنـته الخافـق وشيد مبانيـه=تحـت القفص بين الضلوع العريضه
أصـنع له الكايـد صناعه وأساويـه=بالقـاع مهما كان حق وفريضـه
ما دام يغليني فأنـا والله أغليــه=وأن جض قلبي جض له من جضيضه
راع الوفـاء عهـدً عليـه لأجازيـه=بالطـيب عهد من العهود الغليظـه
أمـا الردى لأفرك خشم راس راعيـه=يـا بغضي لأهل النفوس البغيضـه
ألـي حاول بيعتـي كيف أبشريــه=حـرام لو يعـرض عليه عريضـه
بـأقرب نفايـه مستعد أني ألقــيه=عهـد ووعد لحطهـا لـه حفيظــه
لانـي مراعيـي له ولانـي محابــيه=هذا الحقيقــه نقص ما فيه عيظـه
لا أشـره عليه ولا عليـه مشاريــه=دامه كذا يا أهل البخوت الحظيظـه
يا ألـي تجيب العلـم وألا توديـه=ترى بعضّ بحث السوالف غميضـه
قهـر وغبن مـا ينحكي كيف نحكيـه=لـو نشرحه جاء لأكثر الناس هيظـه
لكـن من الحكمـة نحـاول نخبيــه=وش فايـدة نـّي الكـلام ونجيظـه
.
.
. |
الرائع اخوي ماضي الصبر
من اروع ماقرأت هذا اليوم من شعر
رائعة بكل ماتعنيه الكلمة
صح لسانك مليااار
ولاتحرمنا جديدك
لك الحب والتقدير
تحياتي لك
19/05/08, (03:00 PM)
رد: ألـي يدور للـزعل كيف نرضيه
العرض العادي
