@@@ اربع اخوان @@@

[سعود المسعودي]

المشاركة الأصلية كتبت بواسطة تركي صالح

في احد القنوات الفضائيه اثيرت قضيه وكانت احداثها مثيره ومحزنه بنفس الوقت
ولقد كان احد اطرافها متواجد لدرجة ان الحزن يظهر على وجهه وبشده
اترككم مع القصه واللتي قدر المستطاع قدمتها عبر هذه القصيده
وتركتها عامه دون ذكر تفاصيلها بالدقه المتناهيه

أربع اخوان ان قلت لك اربع اخوان=كان سوى كانوا مثال الاخوه
ما فيهم اللي خانه الوقت وانهان=من صغر عاشوا في تكاتف وقوه
مضرب مثل للناس في كل الاحيان =في طبعهم في طيبهم والمروه
عاشوا سعادة عمرهم دون نقصان=في بيت واحد واستباحوا هدوه
(فجاءه ) تغير حالهم بعد ما كان=بالقمه اصبح في نهاية دنوه
وتبدلت كل السعاده بالاحزان=والوضع زاد وبينهم شب ضوه
ومن بعد ما كانوا سوى قلب ولسان=تفرقوا والحال زاد بغلوه
ومن بعد ما كانت لهم هيبه وشان=اضعف رجل اصبح عليهم فتوه
ومن بعد ما كانوا مثل عند الاعيان=صار الاخو لخوه حسبة عدوه
باسباب حرمه عاشت بروح شيطان =جتهم وخلت من معه عقل توه
عوبى خبيثت قلب مسمومة لسان=باسبابها قلب الاخوه تأوه
مر الزمن والحال وضعه الى الان=مزري ولا به حال يشبه غدوه
مر الشهر مرة سنه مرة أزمان=ولابه حياة لكل معنى الاخوه
ياهيه صحصح ميز الامر بتقان=ولا تمشي بدربً طريقه يتوه
أخوك لامن شان وقتك ولا زان=لجلك يجي من فوح دم الابوه
أخوك من غيره إذا كنت مرضان=يهتم في حالك ويحتاس جوه
أخوك عزك ذخرك يديك لاشان=وقتك، وضاقت قام بعلا سموه
والحرمه اللي سمها بالحشى بان=أضلم سماها وكل ما به تشوه
ومن قبل ما نهي هالقصيده يالاخوان=بيتً ودي عن معانيه أنوه
إذا تفرقتوا عن العز نقصان=وإذا تكاتفتوا على العز قوه

وتقبلوا خالص التحايا

لقلوبكم الطاهره

	بارك الله فيك وفي مشاعرك والف شكر لك على هالجزله اللي اكبر من اي تعليق تقبل مروري وسجل اعجابي ودمت بود وخير وعافيه

[ابوعبدالملك]

صح لسانك يابوصالح على هذه القصيدة الرائعه

التي تحكي واقع ضعاف النفس والشخصية والذين لايقدرون ولا يعرفون معنى الاخوة

# هذا اخوي ماهو ردي ** عزي اخوي وسندي #


الكاتبه هبوب العنزي

كلام رائع والاروع من ذلك والمكسب الحقيقي


هو تواجدك في هذا المنتدى

[خلف الغريب]

إذا تفرقتـوا عـن العـز نقصـان
....................وإذا تكاتفتـوا علـى العـز قـوه

الله اللله يا ابو صالح..

صح لسانك بقدر ما في هذه القصيدة من جمال وفائدة ..

قصة مؤثرة صيغت بشاعرية تركي الصالح ..

اضافة قوية للشعر الاجتماعي الجزل يا ابو صالح ..

بيض الله وجهك ياللي عودتنا على الجزالة والجمال..

[الجادل]

الشاعر تركي صالح

صح لسانك

قصيدة فيها من الفوائد والحكم الشيء الكثير ..

والقصة مؤثرة ومحزنة لما وصل إليه حال الأخوة

بأسباب إمرأة بفكر شيطاني ...


دمت ودام لنا هذا الإبداع

[محمد الدلماني]

أخوك لامن شـان وقتـك ولا زان
لجلك يجي مـن فـوح دم الابـوه
أخوك من غيره إذا كنت مرضـان
يهتم فـي حالـك ويحتـاس جـوه
أخوك عزك ذخرك يديـك لاشـان
وقتك، وضاقت قـام بعـلا سمـوه


نص رائع وتمكن شعري يابو صالح صح لسانك وماشاء الله عليك

[سالم صالح]

صح السانك يابوصالح فانت مبدع ورائع فالكلمات تعجز عن التعبير عن روعة ماتكتب وجمال ماخطة قلمك

قصيدة اجتماعية رائعة تحمل معها الالم والحزن وهي واقعة في مجتمعنا الذي بداءت تبتعد عنه ملامح الاخاء والترابط الاسري

لله درك على هذه الفاتنة وتقبل جل تقديري واحترامي

[هيـاا العـازمـي]

المشاركة الأصلية كتبت بواسطة تركي صالح

في احد القنوات الفضائيه اثيرت قضيه وكانت احداثها مثيره ومحزنه بنفس الوقت
ولقد كان احد اطرافها متواجد لدرجة ان الحزن يظهر على وجهه وبشده
اترككم مع القصه واللتي قدر المستطاع قدمتها عبر هذه القصيده
وتركتها عامه دون ذكر تفاصيلها بالدقه المتناهيه

أربع اخوان ان قلت لك اربع اخوان=كان سوى كانوا مثال الاخوه
ما فيهم اللي خانه الوقت وانهان=من صغر عاشوا في تكاتف وقوه
مضرب مثل للناس في كل الاحيان =في طبعهم في طيبهم والمروه
عاشوا سعادة عمرهم دون نقصان=في بيت واحد واستباحوا هدوه
(فجاءه ) تغير حالهم بعد ما كان=بالقمه اصبح في نهاية دنوه
وتبدلت كل السعاده بالاحزان=والوضع زاد وبينهم شب ضوه
ومن بعد ما كانوا سوى قلب ولسان=تفرقوا والحال زاد بغلوه
ومن بعد ما كانت لهم هيبه وشان=اضعف رجل اصبح عليهم فتوه
ومن بعد ما كانوا مثل عند الاعيان=صار الاخو لخوه حسبة عدوه
باسباب حرمه عاشت بروح شيطان =جتهم وخلت من معه عقل توه
عوبى خبيثت قلب مسمومة لسان=باسبابها قلب الاخوه تأوه
مر الزمن والحال وضعه الى الان=مزري ولا به حال يشبه غدوه
مر الشهر مرة سنه مرة أزمان=ولابه حياة لكل معنى الاخوه
ياهيه صحصح ميز الامر بتقان=ولا تمشي بدربً طريقه يتوه
أخوك لامن شان وقتك ولا زان=لجلك يجي من فوح دم الابوه
أخوك من غيره إذا كنت مرضان=يهتم في حالك ويحتاس جوه
أخوك عزك ذخرك يديك لاشان=وقتك، وضاقت قام بعلا سموه
والحرمه اللي سمها بالحشى بان=أضلم سماها وكل ما به تشوه
ومن قبل ما نهي هالقصيده يالاخوان=بيتً ودي عن معانيه أنوه
إذا تفرقتوا عن العز نقصان=وإذا تكاتفتوا على العز قوه

وتقبلوا خالص التحايا

لقلوبكم الطاهره

.
.

لله درك يا تركي صالح

عز الله إنك كفيت ووفيت

يصح لسانك وفكرك وبوحك على هذه الشامخة

تقديري

هيــــااااا