صعود المجانين

[الجوكر]

صح الله السنتكم...متابعين

[كاتب الجعفري]

دام البقا بك وانت فنان ورهيب =مار المشاكل لا تجيب اسبابها
ترى العنا يقلقاه من يبغى العنا= ومسيلمه كذاب ومحمد نبي
ياذيب دارك ممحله راحت ذهيب= واللي مسك ربابته غنابها
صارت علوم اصحابنا دن دن دنا=ومسيملة كذاب ومحمد نبي

[كاتب الجعفري]

الاخوان اللي مروا الله لايهينكم شرفتونا


احترامي للجميع

[سعوط المجانين]

ابنشدك عساك ياكاتب لبيب = ويش الهنوف اللي تدق خضابها
من دونها المصقول مع ضرب القنا = ومسيلمه كذاب ومحمد نبي
اعلومنا فنجال مع طاسة حليب = عند الرجال اللي تشرع بابها
والدندنه ماهي يابن عمي لنا = ومسيلمه كذاب ومحمد نبي

[سعوط المجانين]

اشكر جميع من قام بالمرور ولاهنتم

,,

[كاتب الجعفري]

تنشد وانا اجاوبك واسمع يالحبيب =ذيك الهنوف اللي كتبنا كتابها
واللي يزاحمها ترى موته دنا= ومسيمله كذاب ومحمد نبي

قلته لكن الجرح ماحصل طبيب= علم الاصاحب دوم عند اصحابها
حنا نشوف السوق مافيه ازبنا=ومسيلمه كذاب ومحمد نبي

[سعوط المجانين]

اخطيتها ولاظنتي فيها تصيب = منته بيم ابيوتها واطنابها
ماتفرّق السرقه على حكم الزنا = ومسيلمه كذاب ومحمد نبي
اصبحت في في ذيك الديّر حال الغريب = واثر السبب كفك معا مشعابها
واللي هدم ماهو سواة اللي بنا = ومسيلمه كذاب ومحمد نبي