عناد الغريب مطلوب للتحقيق بالكلبش

[عناد الغريب]

المشاركة الأصلية كتبت بواسطة غريب الشمال

حياك من ممشاك الى ملفاك تعترف في 1% وتضيعني عن 99% هاه

قالولي انك بغرب الضلع من غاد = مابين دار السليمي والعرادي
معك من الماء شوي ومعك براد = واللي يجيلك تحدره بالهوادي

اي والله اني بخشم الضلع صياد=بالديره اللي بها حجل الايادي

بمشوكن ضربها يدمي بالا كباد=ولاني بمقرود يارمح المهادي

[عناد الغريب]

المشاركة الأصلية كتبت بواسطة خلف الغريب

والله الوضع فيه موساد ..

هاه .؟؟

انا ترا برا السالفة ولا اعرف عناد ولا يقرب لي وترا الدعوا تشابه اسماء واقسم لك بالله يا غريب الشمال ..وبعدين شكله مذنب وعنده بعض الامور اللي كنت ابي ابلغ عليه اول بس عاد ماالله كتب .

هههههههههههه

واصلوا وانا بصف غريب الشمال ..( خايف بس شوي على قولة ابو سهتل )

اها اها وخيي خلف بدري تبريت مني ولا تمشي على قول الروح ابدا من الوالدين ياخوي تعال الوضع سلامات

غريب قصده الوساده بس الله يهديه جابها مطبله وانت فضخت من عندك وتبريت مني وحتيت طبلونك ولا حد نشدك اعترفت علي وانا بري

تعال بصفي ولاعليك غريب مايضرب بس يفعش هههههههههههههههههههههههههههههههه

حياك الله ياخلف

[عناد الغريب]

المشاركة الأصلية كتبت بواسطة ابو غرام

عوذااااا

يالله دخيلك

بالهوادي عااااااااد ؟


لا لا

هذي الملعبه تستحق المتابعه


صحت السنتكم جميع

ومتابعين بقوه ومن بعيد

مخافة الهوادي

ههههههههههه

هلا ابوغرام

ياخوي شفت وشلون

انتبه ياخوي ترى مع الصعكه لياحذفت ينحرف مسار الرضمه هههههههههههههههههههههههه

حلوه ينحرف مسار الرضمه هههههههههههههه

نرجو من الجميع لبس الاقنعه خشية انحراف رضمه براس احد المشجعين

ابو غرام صح بدنك ولاهنت

[معيض بن عريفج]

المشاركة الأصلية كتبت بواسطة عناد الغريب

اي والله اني بخشم الضلع صياد=بالديره اللي بها حجل الايادي

بمشوكن ضربها يدمي بالا كباد=ولاني بمقرود يارمح المهادي

نوبن تذكر لحالك يمت اكباد = ونوبن شمال الحديثه بالحمادي
ارتاح وسط البلد من خوف تنصاد = وحجل الايادي تحصل بالمنادي

[نايف سعد الخمعلي]

الله الله
الدعوى بها هوادي
يالله لك الحمد والشكر
اشوى اللي ماجيت الا بثاني صفحة
يعني تعدتنا مرحلة الخطر والهوادي
ومدام كلهم راحو لغريب الشمال ولاهو قصور به
انا بصفك ياعناد لكن انتبه تشتل علي هوداه تراني اقلب عليك من قريب

واااااااااااصلو ابداعكم

[خلف الغريب]

المشاركة الأصلية كتبت بواسطة عناد الغريب

اها اها وخيي خلف بدري تبريت مني ولا تمشي على قول الروح ابدا من الوالدين ياخوي تعال الوضع سلامات

غريب قصده الوساده بس الله يهديه جابها مطبله وانت فضخت من عندك وتبريت مني وحتيت طبلونك ولا حد نشدك اعترفت علي وانا بري

تعال بصفي ولاعليك غريب مايضرب بس يفعش هههههههههههههههههههههههههههههههه

حياك الله ياخلف

اجل الوضع كذا اااااااااااا .. اها..

خلاص قررت ابقى بين الصفوف واعلن حيادي ..خلال المعارك القائمة ..ومادام الدعوى فيها فعش ابي احلق على الصفر واذا مسك مني شي غريب الشمال خله يفعش على كيفه ..هههههههه

واصلوا ترا طاروقكم جايز للكل ..

[عناد الغريب]

المشاركة الأصلية كتبت بواسطة غريب الشمال

نوبن تذكر لحالك يمت اكباد = ونوبن شمال الحديثه بالحمادي
ارتاح وسط البلد من خوف تنصاد = وحجل الايادي تحصل بالمنادي

وسط البلد ماوصلنا عند الاكراد=ولا انت ماردك الا احمد نجادي

يرتاح قلبي مع السجه بالاجراد=ولو قصدنا الزاد يشبعنا الزبادي