يالفريدي خصيمك هنا واحتزم

[فهد الفريدي]

مير ما كل من طاف وسط الحرم لابس حرام وحزام طاف القدوم

يحسن الدقن والراس جاك محلوق وانته اللي لقيناك وسط الحـرم

ليه تـرسـل علينا عـيال العـجـم تـحـسـبن العـوافـي تـدوم وتـدوم

جابك الله وابقضبك قضبة سروق يوم ترسل عليه عيال العجـم

[سلامة الجعفري]

مصدر العلم فالناس شيخ ٍ علم ... يعرف الدين والله غفور ٍ رحوم= مار ابااخبرك حتى ان جوك يروق ... انت والله ماانته بشيخ ٍ علم
قصدي اغريك قدام ريع الندم ... لين تاصل هقاويك حد النجوم = ثم اسوقك بروس المشاعيب سوق ... بعد حطيت رحلك بريع الندم

[فهد الفريدي]

الصحابة منـول تعبد الصنم لا صلات تـصلى ولا فـيـه صـــوم

قبل بعثة محمد قليل الصدوق الصـحابه مـنـول تـعـبد الصـنـم

ياجملنا تردّم عليك الشحم شيل حملك وحملك عليك مـحــزوم

اجحد العسر لاتبين فيك الفتوق يا جملنا تـردّم عليك الشـحـم

[سلامة الجعفري]

نور الاسلام غطى ظلام الوهم ... وانت من بعد ماقلت يلحقك لوم=لو تسوي مابين العوارف فروق ... قلت للحين عايش بذاك الوهم
فيه بعض السوالف بليا طعم ... زادك الله بها معرفه كل يوم = ثوب ابو زيد بانت عليه الشقوق... يوم صارت علومه بليا طعم

[سلامة الجعفري]

خلف الغريب حي هالطلة ويييييييييييييينك ياشيخ شكلك اخذ الثانية
صح بدنك ومشكور لحضورك


نادر الدوشان ارحب ويالله حيه
متابعتك تشرفنا صح بدنك

[فهد الفريدي]

زراع الخوخ والتين عند السلم كيف يامـن علـيهـا لهيب الـسمــوم

يبست اورقها من يباس العروق تزرع الخوخ والتين عـنـد الســلم

فيه بعض الصوايب تجي فالعظم وانت لـن طـحت قلنا لعلك تـقـوم

عاقتك بعض الاريا والاشوارعوق لين حصلتها في صليب العظـم

[عمر الطويلعي]

صحت السنتكم يا مبدعين

متابع