اقتباس:
المشاركة الأصلية كتبت بواسطة محمد المغيلث
يارابح اغضيان مطلوب فوري =بالمنتدى هذا وطالبك ديان
يارابح غضيان فجرت طوري=يومن قريت اسمك بلوحه وعنوان
اثرك عروفن بالشعر ومخبوري=شاعر وتكتب بالغزل ياكحيلان
في مامضى بالمعرفه والشهوري=مابحت لي عن شعرك اللي له اثمان
لاشك دونك علتي مع نفوري=مادمت شاعر هاك دمعي والاحزان
لي صاحبن يارابح القرم حوري=حوري يابن عناز والقلب له لان
غروٍ جعل كل الحواسي تدوري=ودارت حواسي صاحبك له يافلان
اللي وصاله لي يشوبه فتوري=وعجزت لافهــــم مقصده يالغضيان؟
القلب من يمه يلطف شعوري=ويرقص لها ساعه ويدبك له احيان
ويصفق اظلوعي والمعنى صبوري=وصرت بتناقض بامتناعي والاذعان
عجزت لاقدم وكل مقدم جسوري=في معركه مابه وسامن ونيشان
تطحن رحاها بالمعالق وزوري=وسط الحشى ثارت مدافع ودخان
النوم ماله للمغيلث حضوري=اقضيه كله يابيض القلب سهران
ابي النصيحه من جنبكم و( sorry )=ان كان انا ازعجتكم يابليهان
بيتين قلته ياجماعه ظروري=غصبن علي من ما بقلبي من اشجان
رابح ودونك واقبله في سروري=الطرح واضح وانت شاعر ولاتهان
دونك معاناتي وعطني عبوري=مادامني سطرتها بين ويلان
|
ردٍ على الشاعر الرائع محمدالمغيلث
أسف على التأخير الخارج عن أرادتي بسبب ظروفي
قرّب لي البراد عجل ضروري=ربيع تلقيمه على جمر خدران
أحمر على ذوقك ولاهو بغوري=خل الغواري لأهل الشام ومعان
ساده بلا نعناع خله يفوري=لونه شفايف بنت عودٍ بالاسكان
البنت مزيونه وفيها غروري=هي اخر العنقود والعود بطران
اسكب لي الشاهي وشيلوا فطوري=الشاي كفاني ولاني بجيعان
وسبحت بالهاجوس غب البحوري=وجنيت منها عقد لؤلؤ ومرجان
جتني رسالة عطرها ورد جوري=من شاعرٍ في بدع الامثال فنان
دايم على الجزلات عزمه جسوري=بالطيب له منزل وبصمه وعنوان
يالشمري لك عندنا بالصدوري=قدر وحشيمه والزماله لها شان
ياابن الطنايا يالكريم الغيوري=على العلوم الطيبه فعلكم بان
تاريخكم من ماضيات العصوري=تشهد لكم حايل وسلمى ورمان
لاتشتكي يالقرم خلك صبوري=قبلك وقع بالحب ذربين الايمان
الحب يامحمد تراه مخبوري=عقاب العواجي والخفاجي وفرسان
مابه شجاعه ياوفيّ الشبوري=دمارشامل زي ماتملك ايران
وانا معك بالمال سجل حضوري=من ريال للمليون في خدر الاعيان
وان كان هي بالجاه دقيت زوري=عسى ردي الجاه يبلا بخذلان
بجيب شيخان الجزيرة صقوري=قحطان وعتيبه وشمر وويلان
هذا جوابي وسمحوا بالقصوري=ذيلتها بتوقيع رابح غضيان
أخوكم:رابح الغضيان
17/01/09, (09:42 AM)
رد: مع التحيه للأخ رابح غضيان
العرض العادي
