اقتباس:
المشاركة الأصلية كتبت بواسطة نواف الغريّب
السلام عليكم ورحمة الله
يسعدني التواجد هنا .. بين هذا الكم الكبير من الأسماء الكبيره ..
مشاركة اولى .. اتمنى قبولها
يا قلب وش لك في طريق المحبيـن=وش لك بدربٍ ما يجيـب السعـاده
دامه طريق الهم والحـزن والبيـن=ليه التعـب ليـه الجهـل والقـراده
يا قلب ما تذكر عذابك مـن سنيـن=ما تذكر الجرح الغزيـر وضمـاده
ما تذكر انك كنت بالعسـر والليـن=وافي على رغم الظـروف وعنـاده
كنت الضحية في جميـع المياديـن=لجـل الغـلا منـت بقـوي الإراده
ما تذكر انك تجزي الشين .. بالزين=كنت العطا .. والتضحيات .. وزياده
ما تذكر انك عشت ما بيـن ناريـن=ما تذكر اسلـوب الغـرام وجهـاده
ما تذكر اللي راح مدري على ويـن=ما تذكر الضيقه من اجـل ابتعـاده
يا قلب .. لولا الشوق ما تسهر العين=ولولا الجفا ما يصبح الدمـع عـاده
بالله تبعـد عـن طريـق المحبيـن=دامه طريـقٍ مـا يجيـب السعـاده
|
هلا وغلا أخوي/ نواف الغريب
وكم اسعدنا تواجدك وأنظمامك معنا
وصح لسانك وسلم بنانك
ودمت بكل خيراً وعافيه
ونحن بأنتظار ما تقدمه لنا
كجمال وقوة هذه القصيده الرائعه
وتقبل فائق التقدير والاحترام