سجل دخولك للمنتدى ببيت شعر اعجبك

[محمد خلف الزايدي]

انا مريض وعلتي مالها اطباب =جيت الطبيب وكل مابي شكيته
قال الحقيقه علتك علة احباب=اللي برى حالك بصدرك حويته
مالك دواء بالطب ولاتاخذ اعشاب=ترى الدواء لاشفت خلا بغيته
مشكور يادكتور والحب غلاب=نهيت قلبي ورتكا ماقويته
اللي سحرني نورعيني بلا اسباب=من سبته لو متّ جعلي فديته
داخل شراييني مع الدم ينساب=الرووح له ميدان والقلب بيته
وشلون حالي يافترق شمل الاحباب=اكبر مصيبه ياختفى مالقيته
كااتب النص

[محمد بن موسى]

طبعي كذا مااحـب أنـا الـف وادور ..=الله خــلــقــنــي واضــــــــحً فــــــــي حـــيـــاتـــي
اهوى الصراحة وأكره الكذب والزور..=وحــبـــي لــغــيــري مـــثـــل حُـــبـــي لـــذاتـــي

[هزاع الساري]

خـــذ راحتك فيني وزوّد جــروحـك
.......................حتـّى جروحك غــالية شفـت وشـلون
أغليك واغلي الصمت مادام بوحـك
.......................سجّـل غيابه ما حضــر بوحــك يمـون
حسّيت لو ساكــت بحزنك ونوحــك
.......................أحسّ بك يا مــــن أنا فيـه مفتــــون
عذّبتني عـــــذّبت قلبك وروحـــك
.......................يا ليت تـتـكـلّــم وترتـاح وتهـــــون
لا تقــول ما به شـي وينه جموحـك
......................مـا هــــو (بذا) خــل ٍ أنا فيه مجنـون
وانا معك فاقدك فاقــــد نضوحــك
.....................مـن داخلك ما كـان في القلب مكنــون
حيّرتنــي واحـترت وينه طموحــك
......................فـي قربنا ؟ وش فيك لو كنت ما اهون
أرجـــوك ريّحني كفاية جـــروحـــك
......................يا هــــي عـزيـزة منك شاكر وممنون

[جلال الدرعان]

احرص على اللي ضاق صدره بدونكـ ..//.. واتركـ صديق بالسعه دوم باغيكـ
بعض الصداقه للمصالح يبونكـ ..//.. واليا خذا المطلوب قل وش يبي فيكـ
عليكـ في ربع السعد ينفعونكـ..//.. لو واحد منهم عن الناس يغنيكـ
لاصحت ضايق كلبوهم يا عوونكـ ..//.. ولاغبت عنهم ارسلوا من يناديكـ

[محمد خلف الزايدي]

ياصاحبي ياكامل العقل والذوق=ماودّ لك يالترف غير المبرّه
ان كان مالي مشاريه وحقوق=على الذي مابديت للناس سرّه
انا اعترف لو كنت صادق وماثوق =ماني ثقه في في ناظر الغير مرّه
والله عليم بخافي السّر من فوق=مازدت عن ماقلت مثقال ذرّه
والناس ترمي بالخطأ كل مخلوق=من باب درب الحسد حتى تضرّه
"كااتب النص"

[صالح الأسود الجعفري]

>>الوقت قاسي والليالي بها هم<<
والقلب يشكي وما لقينا مداويه..~

>>وش حيلة اللي لا بغى شي ما تم<<
وسود الليالي في طريقه تعنيه..~

[محمد خلف الزايدي]

لولاغلاكم يابعد كل مزيون=ماشاقني باللوم كثر المشاريه
يضيق بالي يوم عني تغيبون=مريد شوف الناس والهرج مابيه
في حبكم ياشوق هايم ومجنون=مسحور والمسحور هذه مواريه