سجل دخولك للمنتدى ببيت شعر اعجبك

[محمد بن موسى]

(ليلة خميس)وخـاطري فيه مـافيـه=الله يسامـــح مـن تركنـي لحــالـي
في وحدتي بين التعب والمشاريـه=ارسم على اللوحه سـواد الليالـي
ياهيه بعدك بس من هـو نحاكيـه=في صدتك من هو يجاوب سوالـي
الحب شفــره بيـن غـــالـي وغاليـه=يعني على المكشوف ياهوه غالي

[محمد بن موسى]

بدون ماتسألين ...أحسّ نفس الشــعور =كتمـــت بعض الرمـــوز وعـــنك وأخفيتها
يافاهمـــه اقرأي مـــابين تلك السطور=( إن لم تكن هي ) فدليني على بيتها

[غموض الشمال]

مشيت ولا لقيت الا السموم اللي تهب تراب
تجرعته قراح ! وصار همي مصدر الهامي


أغني كذب وادري كذب لكن الزمن نصاب
يحط البندقيه في يدي ويكسر ابهامي!

[مشهور الرشدان]

من عقب ماكنت انا معلمه واستاده
....................سخريه الوقت خلت منه استادي
علمته الشعر لين اصبح من اسياده
................ويوم اشتهر حدر استاده مع الوادي

[غموض الشمال]

ياعبرةٍ يلعب بها الصمــت والنـــوح
..................... وتخفي شفايـف صمتها ضيقة البال
إلى متى صمتك يردك عن البـوح
.................. وإلى متى حزنك مع الصمت رحال

[محمد بن موسى]

تدري وش اللي مالها بالصدر طــب
غلطة قريب وبين ناسٍ غريبــــــين

يارب قدّرني على الطيب يـــــــارب
مادامني ثابت على الطيب للحــين

[بروق الشمال]

صبح الخميس وخاطري مدري اش فيه=من ليلة البارح ماهو معي صافي