حروف متناثرة ارهقهاا الزمان

[محمد بن موسى]

ياللي تغيب ولا يجي منك مرسال=وشهي سبايب غيبتك هالأخيره
قطعت عنّا بإتصالك والإرسال=ولا عاد ندري عنك في اي ديره
راجع ملفاتك عقب طول الإهمال=وارجع لربك واذكره واستخيره
واذكر رفيقٍ باقيٍ معك ما مال=يسأل عن علومك وعينه سهيره
دوم يتحرى جيّـتك والصبر طال=وفي غيبتك ماجبتله اي سيره
ترى الرساله سعرها بس بريال=ولاهي على شرواك والله كثيره
سجل لي اخبارك وبشّـر عن الحال=ترى الجفا والصد مافيه خيره
وارسل لي علومك على رقم جوال=أما وسائط أو رساله قصيره

[محمد بن موسى]

أثر [ الفراغ ] العاطفي ما .. يموّوت
...........شفني كتبت الشعر مالي [ حبيبه ] !

يا اللي تصوّت لـ [ الغلا ] لا تصوّت !
...........[ الآدمي ] ما يآخذ الا [ نصيبه ] !

[محمد بن موسى]

لا تقصر الخطوه وانا اراقب .. اخطاك=اقْبل .. ولدّ .. ومن يحاكيك .. حاكه
سلهم لي بعينك .. وسمّعني حكاك=صوتك غذى قلبي .. وصمتك هلاكه
احترت فيك .. وفي تعدد مزاياك=اسلوب .. وطبوع .. وجمال .. وشياكه

[محمد بن موسى]

آتضايق .. وآخذ من الضيق .. علقـه=باقيٍ من باقـي ظروفـي .. رواسـب
فـالظهر طعنه ..وفـاقصى الراس فلقه=كيف احاسب حاجةٍ .. ما تـنتحاسب
ودك ان الواحد .. اليا ضـاق خلقـه=ما يفضفض غير فالوقت .. المناسـب!

[محمد بن موسى]

يا صآحبي في خآطري أسألك شي = شي معكر كل صافي حياتي
ان كنت ماتدري بغلاتي وانا حي = وش مكسبي كانك حزنت بوفاتي

[محمد بن موسى]

بسم الذي انـزل تبـارك وياسيـن=الخالـق الــرزاق رب البـريـه
محصي عظام الآدمـي بالملاييـن=وجامع ألوف الناس عنـده سويـه
اطلبـك يـارزاق عبـدك بساتيـن=ومنزلـه بالخلـد بـعـد المنـيـه
ترحم ابوي اللي رحل عصر الاثنين=ماقال ( أف ) وش هالحياة الغثيـه
راضي بحكم الرب بالزين والشيـن=مصلي(ن) فرضـه ونفسـه نقيـه
ماطاوع الشيطان وايـا الملاعيـن=يامـر وينهـى متعـظ فـي نبيـه
ترحمه يارحمـن وتسكنـه عليّـن=وتجعل له الانهـار شربـه هنيـه
وختامهـا صـلاة ربـي ملاييـن=على نبـي الخلـق سيـد البريـه

[محمد بن موسى]

يالله / عسى تفرج لصدري ليا ضاق =وتبعـد مراكـيـب الـحـزن / لا تجيـنـي
أضيق وأكتـب مـا بقـى فـوق الأوراق =يـا ليـت (ضيقـي) ديـن وأســد ديـنـي