"كـــــثر الغموض.. اللي سكني وضوحــــــــــــي" - الصفحة 19 - °~*¤®§(§ شبـــكة ويــلان العـربـيـه §)§®¤*~ˆ°

**غموض الشمال** · 01/06/11, (08:34 PM)

كان القصايد..بالغلا..ماتوفيك=ابعتزل شعري..وهجر..القصايد
وش لي بشعرٍ..مايسرك ويرضيك=لولا عيونك..مانظمت ..الفرايد

**غموض الشمال** · 02/06/11, (02:39 AM)

ياقلب ليتك بالغلا ما تماديت=واسرفت في حلمك وعالم خيالك
ياما نهيتك عن دروبه وصديت=ماهو لنا ياقلب لاتصير هالك
ماطعتني وانا تبعتك وجاريت=واليوم شف حالي وشف كيف حالك!

**غموض الشمال** · 04/06/11, (03:06 AM)

تعبت ياليل الشقا من مسهارك=كلن ينام ولا تنهيت بنعاس

**غموض الشمال** · 04/06/11, (03:20 AM)

ياهم ..ياهم .. ليه تهد لي حيلي=وشفيك من.. بد خلق الله..تبلاني
الى متى ؟ وانت متصاحب مع..ليلي=متى تخلى ؟ مثل غيرك..ماخلاني
غربلتني..وزاد حملك.. حطن وشيلي=ماغير..انا.. وانت..وقلبن حزنه ويعاني
هذي حياتي.. وهذا حظي .. الميلي=بخيل في .. مدته..كريم باحزاني

**غموض الشمال** · 04/06/11, (06:03 AM)

ماني على الصده وبعدك محاسبك=الله حسيبك كل ماهل دمعي
خلاص بعد اليوم ماني مطالبك=عزيت في بعدك شعوري وسمعي
دامك تساهل في مشاعر حبايبك=ليه احترق وويذوب لك هم شمعي
كلي حزن وجروح منك وسبايبك=تجاوزت بالقلب عدن وجمعي
ارحل فمان الله جنب واجنبك=ابعد ولا ترجع لو اهل دمعي

**غموض الشمال** · 08/06/11, (01:07 AM)

اجرح ترى بالقلب باقي مساحه!= تضم جرحك للجروح القديمه
قلبي كبير وعيب فيه الصراحه=واكبر خطاه ان النوايا سليمه
الله يصبرني ويشفي جراحه=هذا الزمن مابه قلوب رحيمه

**غموض الشمال** · 08/06/11, (01:14 AM)

اصعب شعور يخيب ضنك بغالي=وانت الذي عن باقي الناس شاريه
اول سندك وذخر سود الليالي=واليوم خابت به جميع المشاريه